მინდია ჯანელიძე: ეს არის სრული აბსურდი

საქართველოს თავდაცვის მინისტრის მინდია ჯანელიძის ინფორმაციით, რომ რუსული სატრანზიტო ნომრებიანი ავტომანქანები, რომლებიც თბილისში გუშინ შენიშნეს, საქართველოში მეორადი მოხმარების მიზნით შემოიყვანეს.
როგორც ჯანელიძემ ჟურნალისტებს განუცხადა, ავტომანქანები უნდა დაშლილიყო და მისი ნაწილების გამოყენება მეორადი მიზნით მომხდარიყო, შესაბამისად, თავდაცვის მინისტრი აბსურდს უწოდებს ინფორმაციას იმის თაობაზე, რომ აღნიშნული ავტომანქანები სამხედრო დანიშნულებისაა.
“ეს არის სრული აბსურდი, მე სრული პასუხისმგებლობით ვაცხადებ, რომ ნებისმიერი სამხედო ტვირთის, ნებისმიერი ორმგარი დანიშნულის ტვირთის გადაადგილება საქართველოს ტერიტორიაზე ხდება თავდაცვის სამინისტროს თანხმობით და ზედამხედველობით, ამიტომ მსგავს შემთხვევას ადგილი არ ჰქონია. მე მოვისმინე უამრავი აპოკალიპტური სცენარი, თუმცა სინამდვილეში ეს იყო მანქანები სპეციალური ნომრებით, რომლებსაც ქვეყნის გარეთ გასვლა არ შეეძლო და საქართველოში მეორადი მოხმარების მიზნით შემოიყვანეს. კერძოდ, ძალიან მარტივი მიზეზით და მოტივით – უნდა დაშლილიყო და მისი ნაწილების გამოყენება მეორადი სახით მომხდარიყო. მანქანები მართალია ხაკისფერია, მაგრამ მათ არ ჰქონიათ არც სამხედრო ნომრები და არც ამ კუთხით, სხვა რაიმე აღმნიშვნელი ნიშანი”, – განაცხადა თავდაცვის მინისტრმა.
გუშინ, სოციალურ მედიაში გავრცელდა ფოტოსურათები, სადაც დაფიქსირებული იყო სატვირთო ავტომანქანები რუსული სატრანზიტო ნომრებით

რეკლამის ბანერი
წინა სტატიაში“სან პეტროლიუმ ჯორჯიას” ორი თანამშრომელი საბუთების გაყალბებისთვის დააკავეს
შემდეგი სტატიაგიორგი მარგველაშვილი: ველოდები, რომ პარლამენტში ვნახავთ ძალიან ღია პროცესს