“მინდა ვუთხრა მომავალ თავმჯდომარეს, რომ ყველაფერი გააკეთოს იმისთვის, რომ შეძლოს მოსამართლეთა უვადო დანიშვნა”

news
ავტ.: news თებერვალი 19, 2015 13:16

“მინდა ვუთხრა მომავალ თავმჯდომარეს, რომ ყველაფერი გააკეთოს იმისთვის, რომ შეძლოს მოსამართლეთა უვადო დანიშვნა”

საქართველოს უზენაესი სასამართლოს თავმჯდომარე კონსტანტინე კუბლაშვილი მომავალი თავმჯდომარის მთავარ გამოწვევად დამოუკიდებლობას ასახელებს.
როგორც კუბლაშვილმა ჟურნალისტებს უზენაეს სასამართლოში განუცხადა, მისი თავმჯდომარეობის პერიოდში ამ მხრივ სასამართლომ დიდი პროგრესი განიცადა.
“როდესაც ვკითხე ამერიკის შეერთებული შტატების უზენასი სასამართლოს თავმჯდომარეს მთავარი გამოწვევის შესახებ, მან მითხრა, რომ ეს არის დამოუკიდებლობა. ბუნებრივია, ჩვენთანაც იგივეა. ჩვენ ძალიან წინ წავედით დამოუკიდებლობის გზაზე. თუ თქვენ შეადარებთ 10 წლის წინანდელ სასამართლოს ძალიან ბევრი განსხვავებას ნახავთ სწორედ ამ კუთხით. გაცილებით უფრო ძლიერია დღეს სასამართლო სისტემა, გაცილებით უფრო დამოუკიდებელია, თუმცა მთავარი მიზანი მაინც რჩება იმ წერტილამდე მისვლა, რასაც ჰქვია სრული დამოუკიდებლობა. დღეს, რომ ჩვენი სისტემა დამოუკიდებელია, ამას არა მარტო ჩვენს ინფორმაციაზე დაყრდნობით ვამბობთ, არამედ ჩვენი ხელისუფლებაც ხშირად აღიარებს ამას. ამ მიმართულებით ხარვეზები არის კვლავ დარჩენილი, რაც აუცილებლად უნდა გამოსწორდეს”, – განაცხადა კუბლაშვილმა.
მისივე თქმით, ვინც არ უნდა იყოს მისი შემცვლელი, ყველაზე მთავარია მან გაიხედოს წინ და იფიქროს იმაზე რომ გააკეთოს ის, რაც დარჩა მიუღწეველი მისი ხელისუფლების პერიოდში.
“მინდა ვუთხრა მომავალ თავმჯდომარეს, რომ ყველაფერი გააკეთოს იმისთვის, რომ შეძლოს მოსამართლეთა უვადო დანიშვნა. ეს იყო რასაც ვერ მივაღწიეთ, ჩვენ მივაღწიეთ, რომ ჩაიწერა კონსტიტუციაში ეს დებულება, მაგრამ ვერ მივაღწიეთ რეალურად ასეთი ვადით მოსამართლეების დანიშვნას. ეს იქნება მთავარი რაც უნდა გააკეთოს ახალმა თავმჯდომარემ”, – განაცხადა კუბლაშვილმა.
მისივე თქმით, ახალი თავმჯდომარე მნიშვნელოვანია ორიენტირებული იყოს მომავალზე.
“არ შეიძლება წარსულში დაბრუნება. წარსულის საკითხების ამოწევით წინ ვერ წავალთ. ჩვენ სისტემას ძალიან ბევრი ქარტეხილი გამოუვლია, ძალიან მძიმე პერიოდი გამოუვლია, თუმცა დღეს ისეთ ეტაპზეა, რომ არ არის ბევრი დარჩენილი იმის სათქმელად, რომ სისტემა დამოუკიდებელია”, – განაცხადა კონსტანტინე კუბლაშვილმა.
უზენაესი სასამართლო თავმჯდომარის პოსტზე კონსტანტინე კუბლაშვილს უფლებამოსილების ვადა 23 თებერვალს ეწურება. პრეზიდენტმა პარლამენტს უზენაესი სასამართლოს თავმჯდომარის თანამდებობაზე ნინო გვენეტაძის კანდიდატურა წარუდგინა.

news
ავტ.: news თებერვალი 19, 2015 13:16

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics