ლუკაშენკო მარგველაშვილს: მადლობელი ვარ ყოფილი პრეზიდენტის და თქვენი

news
ავტ.: news აპრილი 23, 2015 12:01

ლუკაშენკო მარგველაშვილს: მადლობელი ვარ ყოფილი პრეზიდენტის და თქვენი

მადლობელი ვარ ყოფილი პრეზიდენტის და თქვენი, რადგან ყოველთვის მხარს გვიჭერდით და გვიჭერთ დასავლეთში, – ასე მიმართა ბელარუსის პრეზიდენტმა ალექსანდრე ლუკაშენკომ თავის ქართველ კოლეგას პირისპირ შეხვედრის დაწყებისას.
ლუკაშენკოს თქმით, ის საქართველოს ლეგენდარულ ქვეყნად მიიჩნევს და იმედი აქვს, ვიზიტის განმავლობაში ამაში პირადად დარწმუნდება.
“ამ სამი დღის განმავლობაში, ალბათ, შეიძლება დარწმუნება, რომ ეს ლეგენდარული ქვეყანაა, ამიტომ მოხარული ვარ ჩვენი შეხვედრისა და თქვენი სტუმართმოყვარეობის გამო. მე ვფიქრობ, ჩვენ შეგვიძლია შევქმნათ მომავალი ურთიერთობების ფუნდამენტი, რომელიც დაფუძნებული იქნება მჭიდრო სავაჭრო-ეკონომიკურ ურთიერთობებზე, პოლიტიკაში ჩვენ არანაირი წინააღმდეგობა არ გვაქვს. მე მადლობელი ვარ ყოფილი პრეზიდენტის და თქვენი, რადგან ყველგან დასავლეთში მხარს გვიჭერდით და გვიჭერთ”, – განაცხადა ლუკაშენკომ.
საქართველოს პრეზიდენტმა გიორგი მარგველშვილმა თავის მხრივ დასძინა, რომ არის კარგი წარსული, რომელზეც უფრო უკეთესი მომავლის დაშენება შეიძლება.
“თქვენი პირადი დამოკიდებულება ჩვენი ქვეყნისადმი, ქართველებისადმი, შესანიშნავი ფუნდამენტია ურთიერთობების განვითარებისთვის. ვფიქრობ, ბევრ ასპექტში ბელარუსსა და საქართველოს შორის ურთიერთობა მაგალითია სხვა ქვეყნებისთვის. ასე, რომ ჩვენ ვიწყებთ საინტერესო გზას მომავალი თანამშრომლობისკენ”, – განაცხადა საქართველოს პრეზიდენტმა.
საქართველოსა და ბელორუსის პრეზიდენტების პირისპირ შეხვედრის შემდეგ, შეხვედრა გაფართოებულ ფორმატში გაგრძელდება. შემდეგ კი გიორგი მარგველაშვილი და ალექსანდრე ლუკაშენკო ერთობლივ პრესკონფერენციას გამართავენ.

news
ავტ.: news აპრილი 23, 2015 12:01

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics