ლევან იზორია: მოწოდება “დავამხოთ ხელისუფლება” დასჯადი ქმედება არ იქნება

news
ავტ.: news აპრილი 15, 2015 16:54

ლევან იზორია: მოწოდება “დავამხოთ ხელისუფლება” დასჯადი ქმედება არ იქნება

მოწოდება “დავამხოთ ხელისუფლება” დასჯადი ქმედება არ იქნება, – აღნიშნული განმარტება “სისხლის სამართლის კოდექსში” დაგეგმილ ცვლილებებთან დაკავშირებით შს მინისტრის მოადგილემ, ლევან იზორიამ პარლამენტის პლენარულ სხდომაზე გააკეთა.
პარლამენტი პირველი მოსმენით მთავრობის საკანონმდებლო ინიციტივას იხილავს, რომლის ერთ-ერთი სიახლე ის არის, რომ პასუხისმგებლობას ძალადობრივი ქმედებისკენ მოწოდებისთვის ითვალისწინებს.
კერძოდ, დასჯად ქმედებად განისაზღვრება “ზეპირად, წერილობით ან გამოხატვის რომელიმე სხვა საშუალებით საჯაროდ მოწოდება ძალადობრივი ქმედებებისკენ რასობრივი, რელიგიური, ეროვნული, კუთხური, ეთნიკური, სოციალური, პოლიტიკური, ენობრივი ან სხვა ნიშნების მქონე პირთა ჯგუფებს შორის განხეთქილების ჩამოგდების მიზნით, თუ იგი ქმნის ძალადობრივი ქმედების განხორციელების აშკარა, პირდაპირ და არსებით საფრთხეს”.
როგორც იზორია განმარტავს, კრიტიკული აზრის გამოხატვის თავისუფლებაში ყველა დაცულია, მთავარია, მან არ მიიღოს აგრესიულ ფორმასა და ძალადობაში გადაზრდის სახე.
“მოწოდება “დავამხოთ ხელისუფლება” წარმოდგენილი პროექტის გათვალისწინებით დასჯადი ქმედება არ იქნება. ამ შემთხვევაში საუბარია ძალადობრივი ქმედებისკენ მოწოდებაზე. კერძოდ, აუცილებელია ერთმანეთისგან ორი რამ განვასხაოთ: – ამ განსხვავებას კი კარგად განსაზღვრავს კანონი “სიტყვისა და გამოხატვის თავისუფლების შესახებ”, რომლითაც არის განსხვავება აზრსა და მოწოდებას შორის. აზრი დაცულია აბსოლუტური პრივილეგიით. აქედან გამომდინარე რა აზრიც გაქვთ, მისი აბსოლუტური გამოხატვის თავისუფლება გაგაჩნიათ. რაც შეეხება მოწოდებას, ის დაცულია არა აბსოლუტური პრივილეგიით, არამედ ე.წ. კვალიფიციური პრივილეგიით, რაც იმას ნიშნავს, რომ კანონი მისი შეზღუდვის შესაზლებლობას ითვალისწინებს. მოწოდების გაკეთებისას პასუხისმგებლობაზე საუბარია მხოლოდ მაშინ, როცა პირი ჩაიდენს განზრახ ქმედებას, რომელიც ქმნის კანონსაწინააღმდეგო შედეგის დადგომის აშკარა, პირდაპირ და არსებით საფრთხეს”, – განაცხადა ლევან იზორიამ.

news
ავტ.: news აპრილი 15, 2015 16:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


16,743
ვიზიტორი
დღეში
Powered By Google Analytics