კრწანისელები ჩინურ კომპანიას სასამართლოში უჩივლებენ

news
: news იანვარი 7, 2015 18:01

კრწანისელები ჩინურ კომპანიას სასამართლოში უჩივლებენ

კრწანისელები სოფელში ჩინური კომპანიის მუშაობას აპროტესტებენ. მათი თქმით, კომპანიის კუთვნილი მძიმე ტექნიკა, მოსახლეობიდან რამდენიმე მეტრში, თვეზე მეტია, ქვიშის მომპოვებელ სამუშაოებს აწარმოებს, რის გამოც მათ აღარც საძოვრები აქვთ და აღარც საკუთრებაში არსებული მიწები.

ადგილობრივების ინფორმაციით, ჩინური კომპანია სამუშაოებს უკანონოდ ახორციელებს. კრწანისელები შიშობენ, რომ, თუ კომპანიის წარმომადგენლებმა სამუშაოები გააგრძელეს, საფრთხე სოფელში შემავალ გზას და საცხოვრებელ სახლებსაც დაემუქრება.

სოფელ კრწანისში ამბობენ, რომ ჩინური კომპანიის წარმომადგნელებმა უნებართვოდ ქვიშის მოპოვების სამუშაოები ადგილობრივების საკუთრებაში არსებულ მიწებზეც დაიწყეს.

სოფელში ჩინური კომპანიის წინააღმდეგ სამართლებრივი დავის დაწყებას აპირებენ.

მოსახლეობის ბრალდებებს უარყოფენ თავად ჩინური კომპანიის წარმომადგნელები და აცხადებენ, რომ ქვიშის მოპოვების სამუშაოებისთვის მათ ლიცენზია გარემოს დაცვის სამინისტრომ მისცა.

კომპანიას მუშაობის უფლება სამ ჰექტარზე აქვს და ქვიშა თბილისი-წითელი ხიდის გზის იმ მონაკვეთზე გადააქვთ, სადაც სამშენებლო სამუშაოები მიმდინარეობს.

სოფელ კრწანისის მოსახლეობა სამუშაოების შეწყვეტას ითხოვს. წინააღმდეგ შემთხვევაში თბილის-რუსთავის მაგისტრალის გადაკეტვით იმუქრებიან.

news
: news იანვარი 7, 2015 18:01

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


13,921
ვიზიტორი
დღეში
Powered By Google Analytics