იური ვაზაგაშვილის გარდაცვალებასთან დაკავშირებით არასამთავრობოთა ნაწილი განცხადებას ავრცელებს

news
ავტ.: news იანვარი 21, 2015 10:32

იური ვაზაგაშვილის გარდაცვალებასთან დაკავშირებით არასამთავრობო ორგანიზაციების ნაწილი ერთობლივ განცხადებას ავრცელებს.
განცხადებაში, არასამთავრობო სექტორი ხელისუფლებას “სწრაფი, მიუკერძოებელი და ეფექტური გამოძიების” უზრუნველყოფისკენ მოუწოდებს.
“სრულიად საზოგადოება შეძრა 20 იანვარს, კასპის რაიონის სოფელ ყარაფილაში, საკუთარი შვილის სასაფლავზე მომხდარი აფეთქების შედეგად იური ვაზაგაშვილის გარდაცვალების ფაქტმა.
არასამთავრობო ორგანიზაციები მოვუწოდებთ შესაბამის საგამოძიებო ორგანოებსა და ხელისუფლებას უზრუნველყონ სწრაფი, მიუკერძოებელი, ეფექტური გამოძიება. ცნობილია, რომ იური ვაზაგაშვილის გარდაცვალების ფაქტზე პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებაში. საზოგადოების მხრიდან მაღალი ინტერესის გათვალისწინებით უმნიშვნელოვანესია პროცესის მაქსიმალურად გამჭვირვალედ და მაღალპროფესიულად წარმართვა. იმედს ვიტოვებთ, რომ ამ საშინელი დანაშაულის ჩამდენი პირები უმკაცესრად დაისჯებიან კანონის მთელი სიმკაცრით.
ორგანიზაციები ღრმა მწუხარებას გამოვთქვამთ იური ვაზაგაშვილის ტრაგიკულად გარდაცვალების გამო და ვუსამძიმრებთ გარდაცვლილის ოჯახს”, – ნათქვამია განვითარებისა და დემოკრატიის ცენტრის, საზოგადოებრივი დამცველისა და კონსტიტუციის 42-ე მუხლის განცხადებაში.

news
ავტ.: news იანვარი 21, 2015 10:32

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics