ის კვოტები, რომელიც უმრავლესობისაა, ბუნებრივია, უნდა ჰქონდეს უმრავლესობას–დავით საგანელიძე

timer.ge თაიმერი
: timer.ge თაიმერი იანვარი 16, 2015 19:43

ის კვოტები, რომელიც უმრავლესობისაა, ბუნებრივია, უნდა ჰქონდეს უმრავლესობას–დავით საგანელიძე

previewუმრავლესობა მურმან დუმბაძისა და “თავისუფალი დემოკრატების” საპარალამენტო თანამდებობებიდან გადაყენებისთვის ემზადება.

ამის შესახებ განცახდება უმრავლესობის ლიდერმა დავით საგანელიძემ გააკეთა და თქვა, რომ პირად ურთიერთობებზე მაღლა საპარლამენტო რეგლამენტი და წესები დგას.

“ის კვოტები, რომელიც უმრავლესობისაა, ბუნებრივია, უნდა ჰქონდეს უმრავლესობას. დღეს დარღვეულია ეს ბალანსი და უმრავლესობის კვოტები ოპოზიციაში გადასული ფრაქციის წარმომადგენლებს აქვთ. ეს ეხება, როგორც ვიცე-სპიკერის, ასევე კომიტეტის თავმჯდომარეების თანამდებობებს. აქ პიროვნული საკითხები არ არის. თითოეული ეს ადამიანი ჩემი ძალიან ახლო მეგობარია და მათ პატივს ვცემ. მაგრამ აქ პირად სიმპათია-ანტიპათიაზე არ ვსაუბრობ. ვსაუბრობ იმ კვოტაზე და იმ წესებზე, რაც პარლამენტის რეგლამენტით არის განსაზღვრული. მეტიც, ალბათ დავაყენებ მეორე ვიცე-სპიკერის თემასაც. მართალია, ეს აჭარის დეპუტაციის გადასაწყვეტია, მაგრამ რეგლამენტი ამავე დროს ითვალისწინებს სხვა რეჟიმსაც,” – განაცხადა დავით საგანელიძემ.

საპარლამენტო უმრავლესობის ლიდერი “თავისუფალი დემოკრატების” თანამდებობებიდან გადაყენების საკითხს დღის წესრიგში საგაზაფხულო სესიის დაწყების შედეგ დააყენებს. საკითხზე თავდაპირველად საპარლამენტო უმრავლესობის ფორმატში იმსჯელებენ.

timer.ge თაიმერი
: timer.ge თაიმერი იანვარი 16, 2015 19:43

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,930
ვიზიტორი
დღეში
Powered By Google Analytics