“ისეთ მდგომარეობაშია ფეხბურთი სახელმწიფოს ჩარევის გარეშე წინსვლა და განვითარება წარმოუდგენელი იქნება

news
ავტ.: news ოქტომბერი 1, 2015 21:40 განახლებულია

“ისეთ მდგომარეობაშია ფეხბურთი სახელმწიფოს ჩარევის გარეშე წინსვლა და განვითარება წარმოუდგენელი იქნება

მნიშვნელოვანი

  • ვიცე-პრემიერ კახა კალაძის განცხადებით, სახელმწიფო არ და ვერ ჩაერევა საფეხბურთო არჩევნებში, თუმცა, დასძენს, რომ ნებისმიერ კანდიდატს, გამარჯვების შემთხვევაში, სახელმწიფოს დახმარება დასჭირდება.

სხვა სტატიები

ვიცე-პრემიერ კახა კალაძის განცხადებით, სახელმწიფო არ და ვერ ჩაერევა საფეხბურთო არჩევნებში, თუმცა, დასძენს, რომ ნებისმიერ კანდიდატს, გამარჯვების შემთხვევაში, სახელმწიფოს დახმარება დასჭირდება.

როგორც კახა კალაძემ ტელეკომპანია “მაესტროს” გადაცემა “კონტაქტში” განაცხადა, სახელმწიფო ფეხბურთის ფედერაციის პრეზიდენტის არჩევნებში არ ერევა, თუმცა, ეს არ ნიშნავს იმას, რომ გარკვეულ ჯგუფებს მიეცემათ საშუალება, არასწორი გადაწყვეტილებები მიიღონ.

“ჩემთვისაც, რა თქმა უნდა, ძალიან მნიშვნელოვანია ზოგადად, ფეხბურთში მიმდინარე მოვლენები. ის მძიმე სიტუაცია, რაც დღეს სახეზე გვაქვს და არჩევნებსაც, რა თქმა უნდა, ვაკვირდებით თუ როგორ ვითარებაში მიდის. მე სრული პასუხისმგებლობით ვაცხადებ, რომ სახელმწიფო არ და ვერ ჩაერევა საფეხბურთო არჩევნებში. ის დრო უკვე წარსულს ჩაბარდა, როდესაც კონკრეტულ პიროვნებას მიჰყავდა კონკრეტული პიროვნება და სვამდა ფეხბურთის ფედერაციის პრეზიდენტად. სხვათაშორის, ყველა ჩუმად იყო, მათ შორის ის ვეტერანი ფეხბურთელებიც, რომლებიც დღეს, ვითომ, რაღაც ჩარევებზე საუბრობენ. მაშინ რატომ არ საუბროდნენ იმაზე, რომ მიხეილ სააკაშვილი ნემსაძეს ურეკავდა და გადადგომას სთხოვდა”, – განაცხადა კალაძემ.

ამასთან, კალაძის განაცხადებით, რაჭა-ლეჩხუმსა და გურიაში დელეგატების არასწორად შეარჩიეს და გადაწყვეტილება ერთპიროვნულად მიიღეს.

“რაც მოხდა გურიასა და რაჭასთან დაკავშირებით, გეტყვით, რომ არასწორად იქნა დელეგატები არჩეული. გურიის შემთხვევაში ერთპიროვნულად იქნა გადაწყვეტილება მიღებული. არასწორია ინფორმაცია, რომ უეფას წესებით თითქოს არ აქვს კონკრეტულ პიროვნებას სასამართლოში მიმართვის უფლება. ეს არ შეესაბამება სიმართლეს. სხვათაშორის, გუშინაც გაჟღერდა გენერალური მდივნის მოვალობის შემსრულებლის მიერ ეს სიცრუე. ეს არის ძალიან დიდი ტყუილი”, – აღნიშნა კალაძემ და აქვე დასძინა, რომ UEFA და FIFA სასამართლო გადაწყვეტილებას არალეგიტიმურად ვერ ცნობენ.

news
ავტ.: news ოქტომბერი 1, 2015 21:40 განახლებულია

Google სტატისტიკა


3,819
ვიზიტორი
დღეში
Powered By Google Analytics