ირმა ინაშვილის მოწოდება მთავრობას და კონკურენტებს

მნიშვნელოვანი

• ,,პატრიოტთა ალიანსის“ ერთ–ერთი ლიდერი და საგარეჯოს რაიონის მაჟორიტარობის კანდიდატი ირმა ინაშვილი ხელისუფლებას მოუწოდებს საარჩევნო უბნებს ადგილობრივი მუნიციპალიტეტების ხელმძღვანელი პირები მოაშორონ. ამის შესახებ ინაშვილმა ,,თაიმერთან“ საუბარში განაცხადა.

სხვა სტატიები

• კუბლაშვილი ადასტურებს, რომ 20 ივნისს ხელისუფლებასა და ოპოზიციას შორის შუამავლის როლი შეასრულა
• გიორგი პაპუაშვილი მთავარ პროკურორთან შეხვედრის აზრს ჯერ-ჯერობით ვერ ხედავს
• მედვედევმა მიგრანტების პრობლემის გამო ევროკავშირის დაშლა იწინასწარმეტყველა

,,პატრიოტთა ალიანსის“ ერთ–ერთი ლიდერი და საგარეჯოს რაიონის მაჟორიტარობის კანდიდატი ირმა ინაშვილი ხელისუფლებას მოუწოდებს საარჩევნო უბნებს ადგილობრივი მუნიციპალიტეტების ხელმძღვანელი პირები მოაშორონ. ამის შესახებ ინაშვილმა ,,თაიმერთან“ საუბარში განაცხადა.
,,ყველა საარჩევნო უბნის წინ დგას ან მუნიციპალიტეტს გამგებელი ან თანამშრომელი და ეწევა აგიტაცია–პროპაგანდას. ეს არ არის კანონით აკრძალული თუმცა ამას ვაპროტესტებდით მიხეილ სააკშვილის დროს და ვაპროტესტებთ ახლაც. ეს არის ამომრჩეველზე ზეწოლის ფაქტი. მოვუწოდებ ხელისუფლებას გაარდიოს გამგებლები და რწმუნებულები საარჩევნო უბნებს. მისცენ ხალხს თავისუფალი ნების გამოხატვის საშუალება“– განაცხადა ინაშვილმა.
მისივე თქმით ამ დროისთვის აქტივობა დილის საათებთან შედარებით გაზრდილია.
,,დილით იყო სუსტი აქტივობა ახლა შედარებით გაზრდილია, ვფიქრობთ რომ 13 საათისთვის კიდევ უფრო გაიზრდება. მე და ჩემი შტაბი ყველაფერს ვაკეთებთ, რომ არჩვენებმა მშვიდ და სტაბილურ გარემოში ჩაიაროს. ვეცდებით ყველანაირი პროვოკაცია ავირიდოთ და ყველა კონკურენტს ანალოგიურისკენ მოვუწოდებ“– განაცხადა ინაშვილმა ,,თაიმერთან“ საუბარში.