ირაკლი ღარიბაშვილმა ბათუმში ახლადგახსნილი სასტუმრო დაათვალიერა

news
ავტ.: news აგვისტო 19, 2015 14:07 განახლებულია

ირაკლი ღარიბაშვილმა ბათუმში ახლადგახსნილი სასტუმრო დაათვალიერა

მნიშვნელოვანი

  • ბათუმში ოთხვარსკვლავიანი სასტუმრო ”Colosseum Marina”-ი ოფიციალურად გაიხსნა, რომელიც პრემიერ-მინისტრმა ირაკლი ღარიბაშვილმა მთავრობის წევრებთან ერთად დაათვალიერა.

სხვა სტატიები

ბათუმში ოთხვარსკვლავიანი სასტუმრო ”Colosseum Marina”-ი ოფიციალურად გაიხსნა, რომელიც პრემიერ-მინისტრმა ირაკლი ღარიბაშვილმა მთავრობის წევრებთან ერთად დაათვალიერა.

მთავრობის მეთაურმა სასიხარულო უწოდა ბათუმში კიდევ ერთი თანამედროვე ტიპის სასტუმროს გახსნის ფაქტს და იმედი გამოთქვა, რომ კოლიზეუმის ფორმის ოთხვარსკვლავიანი სასტუმრო, გამორჩეული დიზაინისა და უნიკალური მდებარეობის გამო, მიმზიდველი იქნება ტურისტებისთვის. ირაკლი ღარიბაშვილმა მადლობა გადაუხადა ინვესტორს-ინგა არშბას და მის ოჯახს წლების განმავლობაში ბათუმში განხორციელებული ინვესტიციებისთვის.
“წელს ბათუმში უკვე მესამე სასტუმრო გავხსენით. ეს არის ოთხვარსკვლავიანი არაჩვეულებრივი სასტუმრო. ჩვენ ყველაფერს ვაკეთებთ იმისათვის, რათა მაქსიმალურად ავითვისოთ აჭარის ტურისტული პოტენციალი და ამის დასტურია ინვესტორთა მზარდი ინტერესი. წელს ბათუმში 20 სასტუმროს პროექტი ხორციელდება, რომელთა საერთო ღირებულებაც შეადგენს 700 მილიონ დოლარს. ეს მიუთითებს იმაზე, რომ რა თქმა უნდა მოთხოვნა არის მზარდი და ტურისტების რაოდენობა მატულობს ბათუმში და ზოგადად აჭარაში. ჩვენ უპრეცედენტოდ დიდი რაოდენობა გვქონდა ტურისტების გასულ წლებში და წელსაც მათი რიცხვი მნიშვნელოვნად დიდია. ტურიზმი არის მზარდი და ამ მიმართულებით საჭიროა სახელმწიოს მხრიდან ბიზნესის მხარდაჭერა და წახალისება,”-განაცხადა  პრემიერმა სასტუმროს დათვალიერების შემდეგ.
10 სართულიანი სასტუმრო 101 ნომერს მოიცავს. „Colosseum Marina Hotel”- ში ყველა ნომერი ზღვის ხედითაა.  სასტუმროს 80 ადგილიანი ავტოსადგომი, ჩოგბურთის ღია და დახურული ორი მოედანი, სატრენაჟორო დარბაზი, 1200 კვადრატულ მეტრზე განთავსებული ორი ვერანდა, ღია და დახურული აუზები, ორი საკონფერენციო დარბაზი, სპა ცენტრი და ბავშვებისთვის განკუთვნილი იზოლირებული გასართობი კუთხე გააჩნია. ადგილობრივ მთავრობასა და ინვესტორს  შორის გაფორმებული ხელშეკრულების თანახმად, სასტუმროს მშენებლობა 2013 წლის 1 მარტს დაიწყო. მშენებლობაში “მარი ჯგუფმა”  14 მლნ დოლარამდე ინვესტიცია განახორციელა.
სასტუმროში ამჟამად 100 ადგილობრივი კადრია დასაქმებული, სრულად ამოქმედების შემდეგ კი სულ 170 ადამიანი დასაქმდება.
news
ავტ.: news აგვისტო 19, 2015 14:07 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,037
ვიზიტორი
დღეში
Powered By Google Analytics