რუსთავის ციხიდან გამოსულმა ექს-პრემიერის ადვოკატმა, ლილი გელაშვილმა მედიასთან განაცხადა, რომ ირაკლი ღარიბაშვილი თავს „მორალურად განადგურებულად“ მიიჩნევს და პატიმრობიდან წერილების გამოქვეყნების სერიის გაგრძელებას აპირებს.
ადვოკატის თქმით, ყოფილი მაღალჩინოსანი უახლოეს მომავალში მორიგი განცხადების გაკეთებას გეგმავს, სადაც დამატებით დეტალებს ისაუბრებს.
„არანაირი ზეწოლის ფაქტები არ ყოფილა. განადგურება არის როგორც ფიზიკური, ასევე მორალური. ირაკლი ღარიბაშვილმა განსაკუთრებით ამ ეტაპზე მორალურ მხარეს გაუსვა ხაზი. რაც შეეხება წერილებს, ეს ალბათ ეტაპობრივად მოხდება და გაგრძელდება… მან მითხრა, რომ მალე კიდევ გააკეთებს განცხადებას“, — აღნიშნა ლილი გელაშვილმა.
