ირაკლი ღარიბაშვილი: ეს არის უმნიშვნელოვანესი და უპრეცედენტო დახმარება და მხარდაჭერის გამოხატულება ჩვენი სახელმწიფოსთვის

news
ავტ.: news ივნისი 4, 2015 14:45

ირაკლი ღარიბაშვილი: ეს არის უმნიშვნელოვანესი და უპრეცედენტო დახმარება და მხარდაჭერის გამოხატულება ჩვენი სახელმწიფოსთვის

პრემიერ-მინისტრმა ირაკლი ღარიბაშვილმა ქართული დიპლომატიის გამარჯვება უწოდა იმას, რომ გაერო-ს გენერალური ასამბლეის მიერ მიღებულ რეზოლუციას მხარი ბევრმა სახელმწიფომ დაუჭირა.

„თქვენ ნახეთ, რომ გუშინ გაერო-ს 69-ე სესიაზე მხარდამჭერების უპრეცედენტო რაოდენობა დაფიქსირდა. იძულებით გადაადგილებულ პირთა დაბრუნების საკითხს მხარი 75-მა სახელმწიფომ დაუჭირა. ეს არის უმნიშვნელოვანესი და უპრეცედენტო დახამრება და მხარდაჭერის გამოხატულება ჩვენი სახელმწიფოსთვის. ეს არის ქართული დიპლომატიის გამარჯვებაც იმიტომ, რომ ძალიან კარგად იმუშავა საგარეო უწყებამ, რომ დაგვერწმუნებინა ის სკეპტიკური სახელმწიფოები, რომლებიც ამ რეზოლუციას ადრე მხარს არ უჭერდნენ. ამიტომ, კიდევ ერთხელ მინდა აღვნიშნო, რომ ეს არის სწორი მიმართულება, რითაც ჩვენ ვხელმძღვანელობთ და ვმუშაობთ“, – განაცხადა ღარიბაშვილმა.

ცნობისთვის, 3 ივნისს გაეროს გენერალური ასამბლეის 69-ე სესიაზე მიიღეს რეზოლუცია „აფხაზეთიდან საქართველო და ცხინვალის რეგიონიდან/სამხრეთ ოსეთი საქართველო იძულებით გადაადგილებულ პირთა და ლტოლვილთა შესახებ“. ამ რეზოლუციის მიმართ, მხარდამჭრთა რიცხვი წელს 6 სახელმწიფოთი გაიზარდა.

news
ავტ.: news ივნისი 4, 2015 14:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,027
ვიზიტორი
დღეში
Powered By Google Analytics