თინა ხიდაშელმა ავღანეთში სამუშაო ვიზიტი დაასრულა

news
ავტ.: news მაისი 27, 2015 19:12 განახლებულია

თინა ხიდაშელმა  ავღანეთში სამუშაო ვიზიტი დაასრულა

მნიშვნელოვანი

  • საქართველოს თავდაცვის მინისტრმა თინათინ ხიდაშელმა ავღანეთის ისლამურ რესპუბლიკაში პირველი სამუშაო ვიზიტი დაასრულა. თავდაცვის სამინისტროს ინფორმაციით, ვიზიტის ფარგლებში , თინათინ ხიდაშელმა ავღანელ კოლეგასთან მოჰამად მასუმ სტანეკზაისთან შეხვედრა გამართა. ორი ქვეყნის თავდაცვის უწყებების ხელმძღვანელებმა საქართველოსა და ავღანეთის ისლამურ რესპუბლიკას შორის არსებულ ორმხრივ ურთიერთობებზე ისაუბრეს. მხარეები სამოქალაქო სექტორში ურთიერთობების გაღრმავების საკითხსაც შეეხნენ.

სხვა სტატიები

საქართველოს თავდაცვის მინისტრმა თინათინ ხიდაშელმა ავღანეთის ისლამურ რესპუბლიკაში პირველი სამუშაო ვიზიტი დაასრულა. თავდაცვის სამინისტროს ინფორმაციით, ვიზიტის ფარგლებში , თინათინ ხიდაშელმა ავღანელ კოლეგასთან მოჰამად მასუმ სტანეკზაისთან შეხვედრა გამართა. ორი ქვეყნის თავდაცვის უწყებების ხელმძღვანელებმა საქართველოსა და ავღანეთის ისლამურ რესპუბლიკას შორის არსებულ ორმხრივ ურთიერთობებზე ისაუბრეს. მხარეები სამოქალაქო სექტორში ურთიერთობების გაღრმავების საკითხსაც შეეხნენ.
“მტკიცე მხარდაჭერის” მისიის შტაბში საქართველოს თავდაცვის მინისტრს კოალიციური სარდლობის მეთაურმა, არმიის გენერალმა ჯონ კემპბელმა უმასპინძლა. შეხვედრაზე განსაკუთრებით აღინიშნა “მტკიცე მხარდაჭერის” მისიაში ქართველი სამხედროების წვლილი.
უწყების ცნობით, გენერალმა კემპბელმა ქართველი ჯარისკაცების მაღალ პროფესიონალიზმსა და საბრძოლო სულისკვეთებას გაუსვა ხაზი და თინათინ ხიდაშელს საერთაშორისო სამშვიდობო მისიაში ქართული კონტინგენტის მონაწილეობისთვის პირადად გადაუხადა მადლობა.
“მტიცე მხარდაჭერის” მისიის შტაბ-ბინაში სტუმრობისას, თავდაცვის მინისტრმა საქართველოს შეიარაღებული ძალების III ქვეითი ბრიგადის, 31-ე ბატალიონის ასეულიც მოინახულა. თინათინ ხიდაშელმა ქართველ სამხედრო მოსამსახურეებს დამოუკიდებლობის დღე მიულოცა და საქართველოს პრემიერ-მინისტრის ირაკლი ღარიბაშვილის მადლობა გადასცა. მოგვიანებით, მინისტრი ქართული ქვედანაყოფის საცხოვრებელ და სამუშაო პირობებსაც გაეცნო.
ავღანეთის ისლამურ რესპუბლიკაში ვიზიტის ფარგლებში, საქართველოს თავდაცვის უწყების ხელმძღვანელი ქაბულის სამხედრო აეროპორტის “HKAIA” ბაზის თურქ მეთაურს, გენერალ-მაიორ მეჰმედ ბაქირსაც შეხვდა და “მტკიცე მხარდაჭერის” მისიაში თურქულ მხარესთან მომავალი თანამშრომლობის შესახებ გაამახვილა ყურადღება.

news
ავტ.: news მაისი 27, 2015 19:12 განახლებულია