თედო ჯაფარიძემ ბან კი-მუნს კითხვით მიმართა, რატომ აღარ აქტიურობს გაერო საქართველოს უსაფრთხოების საკითხებში

news
ავტ.: news ივნისი 25, 2015 22:18

თედო ჯაფარიძემ ბან კი-მუნს კითხვით მიმართა, რატომ აღარ აქტიურობს გაერო საქართველოს უსაფრთხოების საკითხებში

მნიშვნელოვანი

  • ევროპის საბჭოს საპარლამენტო ასამბლეის პლენარულ სხდომაზე გაეროს გენერალური მდივნის ბან კი-მუნის სიტყვით გამოსვლის შემდეგ,

სხვა სტატიები

ევროპის საბჭოს საპარლამენტო ასამბლეის პლენარულ სხდომაზე გაეროს გენერალური მდივნის ბან კი-მუნის სიტყვით გამოსვლის შემდეგ, საქართველოს მუდმივმოქმედი დელეგაციის ხელმძღვანელი თედო ჯაფარიძე დაინტერესდა, თუ რატომ აღარ აქტიურობს გაერო საქართველოს უსაფრთხოების საკითხებში.
“მე კავკასიის ქვეყნიდან, საქართველოდან ვარ. ადრე გაერო აქტიურად იყო ჩართული ჩვენი ქვეყნის უსაფრთხოების საკითხებში, მაგრამ დღეს ვეღარ ვხედავთ ამ მხრივ ორგანიზაციის აქტიურობას”, – მიმართა ჯაფარიძემ გენერალურ მდივანს.
თავის მხრივ ბან კი-მუნმა განაცხადა, რომ შეშფოთებას გამოხატავს კავკასიის რეგიონში არსებულ მდგომარეობასთან დაკავშირებით, რომელიც საქართველოში 2008 წლის კრიზისიდან მოყოლებული არსებობს.
“ჩვენ გულწრფელად გვწამს, რომ საკითხების გადაჭრა შესაძლებელია პოლიტიკური დიალოგის საშუალებით, ურთიერთგაგებითა და გაეროს ქარტიისა და საერთაშორისო სამართლის პრინციპების დაცვით. მე, რა თქმა უნდა, ვფლობ ინფორმაციას აფხაზეთს, სამხრეთ ოსეთსა და რუსეთის ფედერაციას შორის გაფორმებულ სტრატეგიული პარტნიორობის “ხელშეკრულებებზე” და ამასთან დაკავშირებით, საქართველოს მთავრობისა და საერთაშორისო საზოგადოების მხრიდან გამოხატულ მეტად კრიტიკულ პოზიციაზე. აღნიშნული ხელშეკრულებები უარყოფით გავლენას ახდენს ჟენევის საერთაშორისო მოლაპარაკებებზე. ვიმედოვნებ, რომ ეს მოლაპარაკებები გაგრძელდება ურთიერთპატივისცემისა და საერთაშორისო სამართლის პრინციპების დაცვით, რათა არსებული პრობლემები შეძლებისდაგვარად მოკლე ვადებში გადაიჭრას”, – განაცხადა ბან კი-მუნმა.
სტრასბურგში, ევროპის საბჭოს საპარლამენტო ასამბლეის ზაფხულის სესია 22 ივნისს დაიწყო და 26 ივნისამდე გასტანს.

news
ავტ.: news ივნისი 25, 2015 22:18

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics