თეა წულუკიანი: ნაფიცი მსაჯულების ინსტიტუტმა საქართველოში აჩვენა, რომ პრაქტიკაში ხარვეზები აქვს

news
: news ივლისი 18, 2015 11:42

თეა წულუკიანი: ნაფიცი მსაჯულების ინსტიტუტმა საქართველოში აჩვენა, რომ პრაქტიკაში ხარვეზები აქვს

სისხლის სამართლის სისტემის რეფორმის უწყებათაშორისი საკოორდინაციო საბჭო მორიგ სხდომას მართავს. სასტუმრო “თბილისი მარიოტში” მიმდინარე სხდომის მონაწილეები დღეს ნაფიც მსაჯულთა ინსტიტუტის რეფორმასთან დაკავშირებით იუსტიციის სამინისტროს მიერ მომზადებულ კანონპროექტს განიხილავენ. მსჯელობის საგანი იქნება მოწმეთა დაკითხვის ინსტიტუტის რეფორმასთან დაკავშირებული საკითხიც, რა კუთხითაც შესაბამისი კანონპროექტი ასევე მომზადებულია.
“ნაფიცი მსაჯულების ინსტიტუტმა საქართველოში აჩვენა, რომ პრაქტიკაში აქვს ხარვეზები. ჩვენ გვინდა, რომ შერჩევის წესი იყოს უფრო გამარტივებული, რომ ის ვადები, რაც სისხლის სამართლის საპროცესო კოდექსითაა გათვალისწინებული, იმას კი არ მოხმარდეს, რომ ნაფიცი მსაჯულები შეირჩეს და შემდეგ ვერ შეიკრიბოს სასამართლო, არამედ სწრაფი შერჩევა შეიძლებოდეს და პროცესის გამართვაც დადგენილ ვადებში სწრაფად და ეფექტიანად. ასევე აუცილებელია, რომ ნაფიცი მსაჯულების ვერდიქტი იყოს გასაგები თავად განსასჯელისთვის და საზოგადოებისთვის. როდესაც განსასჯელი ხდება მსჯავრდებული, მას უნდა ესმოდეს, რატომ იქნა დამნაშავედ ცნობილი. ასევე გვინდა ვერდიქტი საჩივრდებოდეს მეორე ინსტანციაში უკვე პროფესიონალი მოსამართლეების ხელში. რაც შეეეხება დაკითხვის წესს, თქვენ იცით, რომ არასრულწლოვნებისთვის უკვე გვაქვს ახალი წესი შემოტანილი და მას პრაქტიკაში საპილოტე რეჟიმში გამოვცდით, ხოლო სრულწლოვნებისთვის ჩვენ გვინდა, რომ 1-ელ იანვარს ეს ინსტიტუტი იყოს მოდიფიცირებული”, – განაცხადა წულუკიანმა.
სისხლის სამართლის სისტემის რეფორმის უწყებათაშორისი საკოორდინაციო საბჭოს სხდომას თავად თეა წულუკიანი ხელმძღვანელობს.

news
: news ივლისი 18, 2015 11:42

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


9,832
ვიზიტორი
დღეში
Powered By Google Analytics