თბილისის მერია მოსახლეობას უფასო სკრინინგის ჩატარებისკენ მოუწოდებს

news
: news აპრილი 7, 2015 14:40 განახლებულია

თბილისის მერია მოსახლეობას უფასო სკრინინგის ჩატარებისკენ მოუწოდებს

მნიშვნელოვანი

  • ჯანმრთელობის საერთაშორისო დღესთან დაკავშირებით, დღეს თბილისის მუნიციპალიტეტის მერიის საქალაქო სამსახურის თანამშრომლებმა ეროვნულ სკრინინგ ცენტრში გამოკვლევები ჩაიტარეს და სხვა საჯარო დაწესებულებების თანამშრომლებს და თბილისელებს სკრინინგის პროგრამის ფარგლებში უფასო გამოკვლევების ჩატარებისკენ მოუწოდეს.

სხვა სტატიები

ჯანმრთელობის საერთაშორისო დღესთან დაკავშირებით, დღეს თბილისის მუნიციპალიტეტის მერიის საქალაქო სამსახურის თანამშრომლებმა ეროვნულ სკრინინგ ცენტრში გამოკვლევები ჩაიტარეს და სხვა საჯარო დაწესებულებების თანამშრომლებს და თბილისელებს სკრინინგის პროგრამის ფარგლებში უფასო გამოკვლევების ჩატარებისკენ მოუწოდეს.
თბილისის მერიის ინფორმაციით, აქციის ძირითადი გზავნილებია – ჩავიტაროთ უფასო გამოკვლევა დაავადების პრევენციის მიზნით, გამოვიკვლიოთ ჯანმრთელობის მდგომარეობა და ვიყოთ დაცულები.
“პრევენცია ჯანმრთელობის საწინდარია და ეს არის ადრეულ სტადიაზე იმ დაავადებების გამოვლენის საშუალება, რომელმაც შემდგომში თავიდან უნდა აგვაცილოს მეტი გართულება”, – განაცხადა თბილისის მერიის ჯანდაცვისა და სოციალური მომსახურების საქალაქო სამსახურის უფროსმა გელა ჩივიაშვილმა და მოსახლეობას საკუთარი ჯანმრთელობის მიმართ ყურადღების გამოჩენისა და უფასო გამოკვლევების ჩატარებისკენ მოუწოდა.
ეროვნულ სკრინინგ ცენტრში “ონკოპრევენციის პროგრამას” თბილისის მერიის ჯანდაცვისა და სოციალური მომსახურების საქალაქო სამსახური ახორციელებს, რისთვისაც ბიუჯეტში 1 200 000 ლარია გამოყოფილი. პროგრამის მიზანია კიბოს ადრეულ სტადიაზე გამოვლენა და ონკოდაავადებებით გამოწვეული სიკვდილიანობის რიცხვის შემცირება.
პროგრამის ფარგლებში ტარდება ძუძუს კიბოს სკრინინგი – 40-დან 70 წლის (ჩათვლით) ასაკის ქალთა პოპულაციაში; საშვილოსნოს ყელის კიბოს სკრინინგი- 25-დან 60 წლის (ჩათვლით) ასაკის ქალთა პოპულაციაში; პროსტატის კიბოს სკრინინგი-50-დან 70 წლის (ჩათვლით) ასაკის მამაკაცთა პოპულაციაში; კოლორექტული კიბოს სკრინინგი-50-70 წლის (ჩათვლით) ასაკის ჩათვლით ორივე სქესის წარმომადგენლებში. აღნიშნული გამოკვლევები უფასოა.
ეროვნული სკრინინგ ცენტრის დირექტორის, პროფესორ რემა ღვამიჩავას განცხადებით, პროგრამის ფარგლებში თავიდან იქნა აცილებული კიბოს განვითარება.
“სკრინინგის აზრი არის ჯანმრთელი პოპულაციის გამოკვლევა და ამ ეტაპზე დასმული ნებისმიერი დიაგნოზი არის განკურნებადი ძალიან მარტივად. პროგრამის ფარგლებში ძალიან ბევრ ადამიანში თავიდან იქნა აცილებული კიბოს განვითარება. იმ სამწუხარო შემთხვევებში, როდესაც კიბო იქნა დიაგნოსტირებული, ეს იყო ადრეული სტადია, როცა კიბო ისეთივე განკურნებადია, როგორც სხვა დააავადება”, – განაცხადა რემა ღვაჩიმავამ.
2014 წლის სექტემბრიდან 2015 წლის თებერვლის ჩათვლით, ეროვნული სკრინინგ ცენტრის და მისი კონტრაქტორი ორგანიზაციების მიერ გაწეული სამედიცინო მომსახურების მონაცემების მიხედვით, ძუძუს მამოგრაფია ჩაიტარა 8 074-მა მოქალაქემ; ექოსკოპია – 3 074-მა, ძუძუს ციტოლოგია – 218-მა, საშვილოსნოს ყელის სკრინინგი – 7 169-მა, კოლპოსკოპიური კვლევა – 1 381-მა, საშვილოსნოს ყელის ბიოფსია – 117-მა, პროსტატის სპეციფიური ანტიგენის განსაზღვრა სისხლში – 2 769-მა, კოლორექტალური სკრინინგი ( სწრაფი ტესტი) – 521-მა, კოლონოსკოპია – 30-მა, მორფოლოგია – 10-მა, ამბულატორიული ქირურგია – 114-მა.

news
: news აპრილი 7, 2015 14:40 განახლებულია

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


9,832
ვიზიტორი
დღეში
Powered By Google Analytics