თამარ ბერუჩაშვილი – სტოლტენბერგის ვიზიტი არის ნატოს მხრიდან საქართველოს მხარდაჭერის მკაფიო დემონსტრირება

თაიმერი timer.ge
ავტ.: თაიმერი timer.ge აგვისტო 26, 2015 20:09

თამარ ბერუჩაშვილი – სტოლტენბერგის ვიზიტი არის ნატოს მხრიდან საქართველოს მხარდაჭერის მკაფიო დემონსტრირება

nato-tbilisiსაქართველოს ორდღიანი ოფიციალური ვიზიტით ნატო-ს გენერალური მდივანი იანს სტოლტენბერგი სტუმრობს. სტოლტემბერგი თბილისში რამდენიმე წუთის წინ ჩამოფრინდა. ნატოს გენერალურ მდივანს თბილისის საერთაშორისო აეროპორტში საქართველოს საგარეო საქმეთა მინისტრი თამარ ბერუჩაშვილი და ნატოს სამეკავშირეო ოფისის ხელმძღვანელი უილიამ ლაჰიუ დახვდნენ.
იენს სტოლტენბერგის ოფიციალური ვიზიტი ხვალ დაიწყება. ვიზიტის ფარგლებში ნატო-ს გენერალური მდივანი შეხვედრებს გამართავს საქართველოს პრეზიდენტთან, პრემიერ-მინისტრთან, პარლამენტის თავმჯდომარესთან, საგარეო საქმეთა მინისტრთან და აღმასრულებელი ხელისუფლების სხვა წარმომადგენლებთან. გენერალური მდივანი პატივს მიაგებს საქართველოს ერთიანობისთვის დაღუპული მებრძოლების ხსოვნას და გვირგვინით შეამკობს გმირთა მემორიალს.
27 აგვისტოს კრწანისის სასწავლო ცენტრის ტერიტორიაზე გაიმართება ნატო-საქართველოს ერთობლივი წვრთნისა და შეფასების ცენტრის ინაუგურაცია. გენერალური მდივანი შეხვდება საქართველოს შეიარაღებული ძალების ასეულს, რომელიც ნატო-ს სწრაფი რეაგირების ძალებისთვის გადამზადდა.
ოფიციალური შეხვედრების ფარგლებში განიხილება საქართველოს ნატო-ში გაწევრიანების პროცესთან დაკავშირებულ საკითხთა სრული სპექტრი და ამ მიმართულებით დაგეგმილი შემდგომი ნაბიჯები, უელსის სამიტზე მიღებული არსებითი პაკეტის იმპლემენტაციის მიმდინარეობა და ვარშავის 2016 წლის ნატო-ს სამიტისთვის მზადების პროცესი.

tamar_beruchashvili

ნატოს გენერალური მდივნის, იენს სტოლტენბერგის ვიზიტი არის ნატოს მხრიდან საქართველოს მხარდაჭერის მკაფიო დემონსტრირება, – ამის შესახებ ჟურნალისტებს საგარეო საქმეთა მინისტრმა თამარ ბერუჩაშვილმა თბილისის საერთაშორისო აეროპორტში განუცხადა, სადაც ნატოს გენერალურ მდივანს დახვდა.
როგორც თამარ ბერუჩაშვილმა აღნიშნა, ვიზიტი არის მაღალი დონის პოლიტიკური დიალოგის გაგრძელება, რომელიც ინტენსიურად მიმდინარეობს ბოლო წლების განმავლობაში. “ვიზიტი ძალიან მნიშვნელოვანია და მკაფიო დემონსტრირებაა იმის, რომ საქართველოს განსაკუთრებული ადგილი უკავია ალიანსის ქვეყნების და ნატოს დღის წესრიგში. ნატოსთვის ძალზედ მნიშვნელოვანია, დეტალურად გაეცნოს რეგიონში მიმდინარე პროცესებს, საქართველოში მიმდინარე რეფორმებს”, – განაცხადა ბერუჩაშვილმა.

თაიმერი timer.ge
ავტ.: თაიმერი timer.ge აგვისტო 26, 2015 20:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics