თამარ ბერუჩაშვილი – საგარეო საქმეთა მინისტრების შეხვედრას საქართველო თავისი პოზიციების დაფიქსირებისთვის რეგულარულად იყენებს

news
ავტ.: news მაისი 19, 2015 16:22 განახლებულია

თამარ ბერუჩაშვილი – საგარეო საქმეთა მინისტრების შეხვედრას საქართველო თავისი პოზიციების დაფიქსირებისთვის რეგულარულად იყენებს

მნიშვნელოვანი

  • საგარეო საქმეთა მინისტრების შეხვედრა არის ის პლატფორმა, რომელსაც საქართველო რეგულარულად იყენებს თავისი პოზიციების დაფიქსირებისთვის , - ამის შესახებ საქართველოს საგარეო საქმეთა მინისტრმა, თამარ ბერუჩაშვილმა ჟურნალისტებს ევროპის საბჭოს მინისტერიალთან დაკავშირებით განუცხადა.

სხვა სტატიები

საგარეო საქმეთა მინისტრების შეხვედრა არის ის პლატფორმა, რომელსაც საქართველო რეგულარულად იყენებს თავისი პოზიციების დაფიქსირებისთვის , – ამის შესახებ საქართველოს საგარეო საქმეთა მინისტრმა, თამარ ბერუჩაშვილმა ჟურნალისტებს ევროპის საბჭოს მინისტერიალთან დაკავშირებით განუცხადა.
მისი თქმით, დღეს, სხვა საკითხებთან ერთად დღის წესრიგში განხილული იქნება კონფლიქტები ევროპის კონტინენტზე, მათ შორის უკრაინაში და საქართველოში მიმდინარე პროცესები.
“ასევე მნიშვნელოვანია ის ფაქტი, რომ ეს შეხვედრა განსაკუთრებულ ყურადღებას დაუთმობს ადამიანის უფლებების დაცვის საკითხებს ოკუპირებულ ტერიტორიებზე. ეს არის ჩვენი ძირითადი საკითხი. ეს შეხვედრა მიმდინარეობს იმ უპრეცედენტო გადაწყვეტილების ფონზე, რაც პირველად, მიიღო ევროპის საბჭოს მინისტრთა მოადგილეების კომიტეტმა, რომლითაც პირდაპირ მიუთითა რუსეთის ფედერაციას, უზრუნველყოს და ხელი შეუწყოს ოკუპირებულ ტერიტორიებზე შეუფერხებელ შეღწევას ევროპის საბჭოს შესაბამისის სტრუქტურებისა, რომელთაც უნდა განახორციელონ ადამიანის უფლებების მონიტორინგი”, – განაცხადა ბერუჩაშვილმა.
მისივე თქმით, უკვე გადაწყვეტილია, რომ შემოდგომაზე თბილისს და ზოგადად საქართველოს ოკუპირებულ ტერიტორიებს ეწვევა ადამიანთა უფლებების დაცვის ევროსაბჭოს კომისარი.
“ეს იქნება ის საკითხები, რომლებსაც ჩვენ განვიხილავთ. ამასთან ერთად, მიღებული იქნება სპეციალური დოკუმენტი, რომელიც ეხება ადამიანთა უფლებების დაცვის საკითხებს ოკუპირებულ ტერიტორიებზე”, -განაცხადა საქართველოს საგარეო საქმეთა მინისტრმა.
ბრიუსელში, დღეს დაგეგმილია ევროპის საბჭოს მინისტერიალი, რომელშიც მონაწილეობას მიიღებს საქართველოს დელეგაცია საგარეო საქმეთა მინისტრის, თამარ ბერუჩაშვილის ხელმძღვანელობით.

news
ავტ.: news მაისი 19, 2015 16:22 განახლებულია