ზურაბ ტყემალაძე: უკვე ნამდვილად და არა ისე, სიტყვაზე უნდა მოხდეს ქამრების შემოჭერა

news
ავტ.: news თებერვალი 21, 2015 18:19

ზურაბ ტყემალაძე: უკვე ნამდვილად და არა ისე, სიტყვაზე უნდა მოხდეს ქამრების შემოჭერა

უმრავლესობის ერთ-ერთი ლიდერის, ზურაბ ტყემალაძის აზრით, ეკონომიკური გუნდის მინისტრების პარლამენტში მისვლა უმჯობესი “გარკვეული სამუშაოების ჩატარების” შემდეგ იქნება.
როგორც ტყემალაძემ ჟურნალისტებს განუცხადა, იმისთვის, რომ ხალხის “დაპანიკება” არ მოხდეს, სჯობს ეკონომიკურმა გუნდმა პარლამენტს მოგვიანებით მთავრობის მუშაობის შედეგები წარუდგინოს.
“რა თქმა უნდა, რთული სიტუაციაა ლარის კურსთან მიმართებაში, ამიტომ სპეციალური ღონისძიებებია გასატარებელი. უნდა შედგეს ანტიკრიზისული პროგრამა. უნდა გაძლიერდეს გარკვეული ვალუტის შემოდინება. უკვე ნამდვილად და არა ისე, სიტყვაზე უნდა მოხდეს ქამრების შემოჭერა. რა თქმა უნდა, უნდა გადაიხედოს ის ოპტიმისტური მაჩვენებლი, რომელიც 5 %-იან ეკონომიკურ ზრდას გულისხმობს. რაც შეეხება ეკონომიკური გუნდის მინისტრების პარლამენტში მოყვანას, მათი მოსვლა არაფერ პრობლემას არ წარმოადგენს, მაგრამ თუ ამით აჟიოტაჟი შეიქმნება და უფრო დააპანიკებენ ხალხს, რა თქმა უნდა, უმჯობესია, დღეს იმუშაონ და მერე მუშაობის შედეგები წარმოადგინონ პარლამენტში”, – განაცხადა ტყემალაძემ.

news
ავტ.: news თებერვალი 21, 2015 18:19