ეს “ქართუს” საქველმოქმედო საქმიანობაა და მთავრობა მასში დამფინანსებელის სახით არ იქნება ჩართული

news
: news იანვარი 14, 2015 19:44

ეს “ქართუს” საქველმოქმედო საქმიანობაა და მთავრობა მასში დამფინანსებელის სახით არ იქნება ჩართული

მნიშვნელოვანი

  • მთავრობის ადმინისტრაციის ხელმძღვანელის მაია ცქიტიშვილის განცხადებით "ქართუ ფონდის" მიერ ტექნოლოგიური უნივერსიტეტის აშენების შესახებ ინფორმაციას მთავრობა 2014 წლის აგვისტოდან ფლობს.

სხვა სტატიები

მაია ცქიტიშვილიმთავრობის ადმინისტრაციის ხელმძღვანელის მაია ცქიტიშვილის განცხადებით “ქართუ ფონდის” მიერ ტექნოლოგიური უნივერსიტეტის აშენების შესახებ ინფორმაციას მთავრობა 2014 წლის აგვისტოდან ფლობს.

როგორც ცქიტიშვილმა აღნიშნა, ამ პერიოდში ფონდმა განათლების სამინისტროს პარტნიორი ამერიკული უნივერსიტეტის მოძიებაში დახმარების თხოვნით მიმართა. მთავრობის ადმინისტრაციის უფროსის განმარტებით, მსგავსი უნივერსიტეტის არსებობა მთავრობის ინტერესიცაა და ამიტომ “ქართუ ფონდს” ამ პროექტის განხორციელებაში ხელი მაქსიმალურად შეეწყობა.
“ეს პროექტი ძალიან საინტერესოა ჩვენთვის და შეესაბამება მთავრობის ინტერესებს, განსაკუთრებით ტექნოლოგიური განათლების განვითარების თაობაზე. “ქართუ ფონდმა” სრული მზადყოფნა გამოთქვა ამ პროექტის დაფინანსების თაობაზე. ეს სრულად “ქართუს” საქველმოქმედო საქმიანობაა, ანუ მთავრობა მასში არ იქნება ჩართული როგორც ამ პროექტის დამფინანსებელი. ჩვენ ვეხმარებით “ქართუს” სათანადო ამერიკული უნივერსიტეტის მოძიებაში. ეს პროექტი ხორციელდება სახელმწიფოსთვის, ის ჩვენი განათლების სისტემისთვის საქველმოქმედო პროექტია, შესაბამისად, ჩვენი ინტერესიცაა მას სრულად შევუწყოთ ხელი. ამასთან ერთად დეკემბერში პრემიერის ბრძანებით შეიქმნა კომისია, რომელიც ამ უნივერსიტეტთან ერთად შეიმუშავებს თანამედროვე ტექნოლოგიების განვითარების სამეცნიერო კვლევითი ცენტრის პროექტს. კომისიას პრემიერ-მინისტრი თავმჯდომარეობს, მოადგილე კი გამოჩენილი მეცნიერი გია დვალია. ჩვენ იმედი გვაქვს, რომ “ქართუს”, განათლების სამინისტროს, თვითონ მთავრობისა და მეცნიერების ასეთი ერთობლივი თანამშრომლობით, შესაძლებელი იქნება ისეთი პროექტის შემუშავება, რომელიც პირველ რიგში საქართველოს მეცნიერების და განათლების განვითარებისთვის იქნება ხელსაყრელი”, – განაცხადა ცქიტიშვილმა.
რაც შეეხება მილენიუმის მიერ დაფინანსებულ პროექტთან ტექნოლოგიური უნივერსიტეტის თავსებადობას, ცქიტიშვილის თქმით, “ათასწლეულის გამოწვევის კორპორაციის” დაფინანსებით საბაკალავრო პროგრამები ფინანსდება, “ქართუს” პროექტი კი ძირითადად სამაგისტრო და სადოქტორო დონეებზე იქნება გათვლილი.
“რაც შეეხება მილენიუმის პროექტს, მისი განხორციელება უკვე დაწყებულია. ამ წლიდან სან დიეგოს სახელმწიფო უნივერსიტეტი სტუდენტთა მიღებას გეგმავს. ეს პროექტი ერთობლივად საქართველოს სამ სახელმწიფო უნივერსიტეტთან ერთად ხორციელდება. მილენიუმის დაფინანსებით მიმდინარე პროექტი პირველ რიგში საბაკალავრო საფეხურის სტუდენტებზეა ორიენტირებული. რაც შეეხება პროექტს, რომელსაც ახორციელებს “ქართუ”, ეს ძირითადად ორიენტირებულია სამაგისტრო და სადოქტორო დონეებზე, აქედან გამომდინარე ეს ორი პროექტი ერთმანეთს ავსებს”, – განაცხადა ცქიტიშვილმა.

 

news
: news იანვარი 14, 2015 19:44

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,940
ვიზიტორი
დღეში
Powered By Google Analytics