ერთი დოლარის ღირებულება 2 ლარს გადასცდა

news
: news იანვარი 23, 2015 11:40

ერთი დოლარის ღირებულება 2 ლარს გადასცდა

კომერციულ ბანკებსა და სავალუტო ჯიხურებში 1 დოლარის ღირებულება 2.0 ლარს გადასცდა. დღეის მდგომარეობით, “საქართველოს ბანკში” მომხმარებელს 1 დოლარის შეძენა 2.04 ლარად შეუძლია, “თიბისი ბანკში” – 2.01 ლარად, ბანკ “რესპუბლიკაში” – 2.03 ლარად, “ლიბერთი ბანკში” – 2.02. კომერციულ ბანკებში 1 დოლარს 1.95-1.96 ლარის ფარგლებში იბარებენ.
დოლართან მიმართებაში ლარის გაცვლითი კურსის შესახებ ინფორმაცია საქართველოში მოქმედ კომერციულ ბანკებს საკუთარ ვებ-გვერდზე აქვთ განთავსებული.
რაც შეეხება ვალუტის გადამცვლელ ჯიხურებს, მათში, კომერციული ბანკების მსგავსად, დოლარის შეძენის ფასი 2.0 ლარს გადასცდა.
ლარმა გაუფასურება გასული წლის ნოემბერის ბოლოდან დაიწყო. 2013 წლის 1-ელ ნოემბერს ლარის გაცვლითი კურსი დოლართან მიმართებაში 1,67 ლარი იყო. ლარის კურსის დასაჭერად საქართველოს ეროვნულმა ბანკმა გასული წლის ბოლოს 80 მლნ აშშ დოლარი გაყიდა, რამაც კურსი რამდენიმე დღე დაიჭირა. .31 დეკემბერს 1 დოლარი 1.86 ლარი იყო.
ახალი წლის შემდგომ ლარის კურსმა დევალვაცია ისევ დაიწყო და დოლართა მიმართებაში რამდენიმე პუნქტით გაუფასურდა. საქართველოს ეროვნული ბანკის მიერ დადგენილი კურსის თანახმად, დღეს, 23 იანვრს 1 დოლარის შეძენა 1,98 ლარად იქნება შესაძლებელი. ლარის ოფიციალური გაცვლითი კურსის ცვლილებამ ერთ დღეში 0.0308 ლარი შეადგინა.

news
: news იანვარი 23, 2015 11:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,754
ვიზიტორი
დღეში
Powered By Google Analytics