რუსეთის დუმას უშიშროების და კორუცფიის წინააღმდეგ კომისიის თავმჯდომარემ ირინა იაროვაიამ აშშ-ს პრეზიდენტის უკრაინის პრეზიდენტისადმი დროშის დღესთან დაკავშირებით მიმართვას “პირფერობა და უსირცხვილობა” უწოდა – ამის შესახებ რუსული “ტასი” იტყობინება.
“ეტყობა, ობამას აზრით, დონბასის მოსახლეობის გენოციდი არის ორი ერის წარმატებული საქმე. მაშინ, როცა რუსეთიდან შესული ჰუმანიტარული ტვირთი იმისათვის, რომ ხალხი შიმშილით არ დაიხოცოს, ნობელის პრემიის ლაურეატისთვის აგრესიაა” – ასეთი კომენტარი გაუკეთა მან მილოცვას.
იაროვაიამ ასევე დაამატა, რომ ყირიმის რეფერენდუმი “აშშ-სთვის აუტანლად მშვიდობიანი იყო” და რადიკალურად განსხვავდებოდა “კოსოვოსა და სხვა ქვეყნებში ამერიკული სტანდარტისგან”.
23 აგვისტოს ბარაკ ობამამ უკრაინის პრეზიდენტს პეტრე პოროშენკოს ტელეგრამა გაუგზავნა, სადაც ის უკრაინას 24-ე დამოუკიდებლობის დღეს ულოცავდა. ტელეგრამაში ამერიკის პრეზიდენტმა განაცხადა, რომ კიევის ხელისუფლება როგორც არასდროს ახლოს არის საკუთარ დემოკრატიულ ხედვასთან და უკრაინის აყვავებასთან.
