დაპატიმრებული ციხის დირექტორის ადვოკატმა სასამართლოს მტკიცებულებები წარუდგინა

news
: news თებერვალი 13, 2015 12:41

დაპატიმრებული ციხის დირექტორის ადვოკატმა სასამართლოს მტკიცებულებები წარუდგინა

საქალაქო სასამართლო მე-17-ე სასჯელაღსრულების დაწესებულების ყოფილი უფროსისთვის აღმკვეთი ღონისძიების შეფარდების საკითხზე მსჯელობს.

დაცვის მხარემ სასამართლოს უკვე წარუდგინა ის მტკიცებულებები, რაც, ადვოკატის განმარტებით, გიორგი ელიზბარაშვილის უდანაშაულობაზე მეტყველებს. ადვოკატ თამარ აბესაძეს იმედი აქვს, რომ სასამართლო პატიმრობის შესახებ გადაწყვეტილებას არ მიიღებს.

“ბრალდებული არ ცნობს წარდგენილ ბრალდებას, ვინაიდან არ ჩაუდენია ეს დანაშაული. პროკურატურა შემოვიდა სასამართლოში აღმკვეთი ღონისძიების სახით პატიმრობის მოთხოვნით, მიუხედავად იმისა, რომ დანაშაული არის ნაკლებად მძიმე კატეგორიის. ვიტოვებ იმედს, რომ დღევანდელ დღეს, როდესაც სასამართლო არის ძალიან დამოუკიდებელი, სასამართლო მოგვისმენს და მიიღებს  იმ კანონიერ გადაწყვეტილებას გიორგი ელიზბარაშვილთან დაკავშირებით,” – განაცხადა თამარ აბესაძემ.

ელიზბარაშვილის ბრალდების პარალელურად, სასამართლო იმ მსჯავრდებულების ქმედებებსაც აფასებს, რომლებიც ციხეში მომხდარ ფაქტში ფიგურირებენ.

რამდენიმე დღის წინ სასჯელაღსრულების სამინისტრომ გაავრცელა ინფორმაცია მე-17-ე სასჯელაღსრულების დაწესებულებაში 1 იანვარს მსჯავრდებულთა ჯგუფის მიერ პატიმრის წამების შესახებ. გამოძიება გიორგი ელიზბარაშვილს სამსახურებრივი უფლებამოსილების ბოროტად გამოყუენებას ედავება. მსჯავრდებულებს კი, შესაძლოა, ბრალი დაუმძიმდეთ.

news
: news თებერვალი 13, 2015 12:41

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,453
ვიზიტორი
დღეში
Powered By Google Analytics