გიორგი მარგველაშვილი სავალუტო ფონდის პრეზიდენტს შეხვდა

news
ავტ.: news ოქტომბერი 1, 2015 19:41 განახლებულია

გიორგი მარგველაშვილი სავალუტო ფონდის პრეზიდენტს შეხვდა

მნიშვნელოვანი

  • საქართველოს პრეზიდენტი დელეგაციასთან ერთად საერთაშორისო სავალუტო ფონდის სათავო ოფისში სავალუტო ფონდის პრეზიდენტს კრისტინ ლაგარდს შეხვდა.

სხვა სტატიები

საქართველოს პრეზიდენტი დელეგაციასთან ერთად საერთაშორისო სავალუტო ფონდის სათავო ოფისში სავალუტო ფონდის პრეზიდენტს კრისტინ ლაგარდს შეხვდა.
როგორც “თაიმერს” პრეზიდენტის ადმინისტრაციიდან აცნობეს, გიორგი მარგველაშვილმა და კრისტინ ლაგარდმა საქართველოში არსებულ ეკონომიკურ გამოწვევებზე ისაუბრეს.
“ძალიან მნიშვნელოვანი იყო საქართველოს პრეზიდენტის შეხვედრა საერთაშორისო სავალუტო ფონდის ხელმძღვანელთან კრისტინ ლაგარდთან. შეხვედრისას განიხილეს უმნიშვნელოვანესი საკითხები ქვეყნის შემდგომი განვითარების, მაკროეკონომიკური სტაბილურობის უზრუნველყოფის შესახებ. საგარეო შოკების მიმართ ქვეყნის მდგრადობის გაძლიერებასთან დაკავშირებით განხილული იქნა საერთაშორისო სავალუტო ფონდისა და საქართველოს შემდგომი თანამშრომლობის შესაძლებლობა. ცხადია, საუბარი შეეხო საქართველოს ეროვნულ ბანკს. ეროვნული ბანკიდან საბანკო ზედამხედველობის ფუნქციის გამოყოფას. ხაზგასმით აღინიშნა, რომ აუცილებელია, საქართველოს ეროვნული ბანკის და მთავრობის კოორდინირებული მუშაობა, მაგრამ ასევე აუცილებელია, შენარჩუნდეს და დაცული იყოს ეროვნული ბანკის დამოუკიდებლობა. საუბარი შეეხო მომდევნო წელს ეროვნული ბანკის მმართველის ცვლილების საკითხსაც. აქ ფონდის წარმომადგენლებმა მხარი დაუჭირეს საქართველოს პრეზიდენტის მიერ ინიცირებულ პროცესს ეროვნული ბანკის საბჭოს წევრების კანდიდატების შერჩევასთან დაკავშირებით, როდესაც არასამთავრობო სექტორის და დარგის სპეციალისტების ჩართულობით ღიად და გამჭვირვალედ ხდება კანდიდატების შერჩევა”, – აღნიშნა პრეზიდენტის მრჩეველმა გიორგი აბაშიშვილმა.
მისივე თქმით, საქართველოს პრეზიდენტმა ფონდის პრეზიდენტს ქვეყნისთვის სასიცოცხლოდ მნიშვნელოვანი პროექტების მხარდაჭერისთვის მადლობა გადაუხადა.

news
ავტ.: news ოქტომბერი 1, 2015 19:41 განახლებულია

Google სტატისტიკა


3,784
ვიზიტორი
დღეში
Powered By Google Analytics