გიორგი მარგველაშვილი: მამა ილიამ თავისი გმირობით უკეთესი გახადა საერთოდ მთელი კაცობრიობა

news
: news იანვარი 20, 2015 12:29

გიორგი მარგველაშვილი: მამა ილიამ თავისი გმირობით უკეთესი გახადა საერთოდ მთელი კაცობრიობა

საქართველოს პრეზიდენტმა გიორგი მარგველაშვილმა მამა ილია კარტოზიას ხსოვნას პატივი მიაგო და მისი ოჯახს მიუსამძიმრა. ქვეყნის პირველი პირი ოჯახისთვის სამძიმრის გამოსაცხადებლად ცოტა ხნის წინ სვეტიცხოვლის საკათედრო ტაძარში იმყოფებოდა. როგორც პრეზიდენტმა ჟურნალისტებს განუცხადა, საქართველოს თითოეული მოქალაქის ვალია, მომავალი თაობა მამა ილია კარტოზიას გმირობის მაგალითზე აღზარდოს.

“საქართველოს ისტორიაში, სადაც სამშობლოსთვის თავდადებული ამდენი წმინდანი და გმირია, ძნელია ჩაწერო შენი სახელი, მაგრამ მამა ილიამ ეს შეძლო და თავისი გმირობით უკეთესი გახადა საერთოდ მთელი კაცობრიობა – გაანათა ის თავისი რწმენით და გმირობით. ჩვენ მამა ილია კარტოზია დავაჯილდოვეთ სამოქალაქო გმირობისთვის. ეს არის მცირე წვლილი, რაც შეგვეძლო გაგვეკეთებინა, მაგრამ ბუნებრივია, მისი ხსოვნის პატივისცემა და მის მაგალითზე მომავალი თაობების აღზრდა არის ყველა ჩვენგანის ვალი”, – განაცხადა გიორგი მარგველაშვილმა.

ამ დროისთვის სვეტიცხოვლის საკათედრო ტაძარში მამა ილია კარტოზიას სამოქალაქო პანაშვიდი მიმდინარეობს. დაღუპულ მოძღვარს 14::00 საათზე დაკრძალავენ.

news
: news იანვარი 20, 2015 12:29

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,930
ვიზიტორი
დღეში
Powered By Google Analytics