გიორგი მარგველაშვილი “თავისუფალი დემოკრატების” წარმომადგენლებს ხვდება

news
ავტ.: news იანვარი 23, 2015 15:41

გიორგი მარგველაშვილი “თავისუფალი დემოკრატების” წარმომადგენლებს ხვდება

საქართველოს პრეზიდენტი საპარლამენტო ფრაქცია “თავისუფალი დემოკრატების” წარმომადგენლებს ხვდება. ავლაბრის რეზიდენციაში მიმდინარე შეხვედრის განხილვის თემა უზენაესი სასამართლოს ახალი თავმჯდომარის კანდიდატურასთან დაკავშირებული საკითხია.
როგორც ჟურნალისტებს შეხვედრის დაწყების წინ დეპუტატმა ირაკლი ჩიქოვანმა განუცხადა, “თავისუფალი დემოკრატების” აზრით, ახალი თავმჯდომარე უნდა იყოს ადამიანი, რომელიც უზრუნველყოფს სასამართლო ხელისუფლების დამოუკიდებლობას და შეძლებს საქართველოში სასამართლო რეფორმის ბოლომდე მიყვანას.
“ჩვენ მივიღეთ პრეზიდენტის შემოთავაზება საქართველოს უზენაესი სასამართლოს ახალი თავმჯდომარის კანდიდატურასთან დაკავშირებით კონსულტაციების თაობაზე. ეს ძალიან მნიშვნელოვანი პროცესია. მივიჩნევთ, რომ ერთ-ერთი უმნიშვნელოვანესი პრეროგატივა, რომელიც დღეს საქართველოს პრეზიდენტს აქვს, არის სწორედ ამ თანამდებობაზე კანდიდატის წარდგენა. ჩვენ გავმართავთ კონსულტაციებს საქართველოს პრეზიდენტთან. კონკრეტულ კანდიდატურებზე დღეს ჩვენი მხრიდან საუბარი არ იქნება. კონსულტაციების შედეგებთან დაკავშირებით შემდგომ ვისაუბრებთ, თუმცა მიგვაჩნია, რომ აუცილებელი და უმნიშვნელოვანესია, სასამართლოს ახალი თავმჯდომარე იყოს ადამიანი, რომელიც უზრუნველყოფს სასამართლო ხელისუფლების დამოუკიდებლობას და შეძლებს საქართველოში სასამართლო რეფორმის ბოლომდე მიყვანას, რომელიც ესოდენ აუცილებელია ჩვენი ქვეყნის ინსტიტუციური განვითარებისთვის”, – განაცხადა ირაკლი ჩიქოვანმა.
მისივე განმარტებით, პრეზიდენტის პოზიცია, რომ პროცესი მაქსიმალურად ღია იყოს, მისასალმებელია.
შეხვედრას, ირაკლი ჩიქოვანის გარდა, ფრაქცია “თავისუფალი დემოკრატების” სხვა წევრებიც ესწრეებიან.

news
ავტ.: news იანვარი 23, 2015 15:41

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics