გიორგი კვირიკაშვილი – შეძლებისდაგვარად ვცდილობთ შევამსუბუქოთ ის ზეწოლა, რომელიც არის ეროვნულ ვალუტაზე

news
ავტ.: news იანვარი 16, 2015 20:50

გიორგი კვირიკაშვილი – შეძლებისდაგვარად ვცდილობთ შევამსუბუქოთ ის ზეწოლა, რომელიც არის ეროვნულ ვალუტაზე

მნიშვნელოვანი

  • შეძლებისდაგვარად ვცდილობთ შევამსუბუქოთ ის ზეწოლა, რომელიც არის ეროვნულ ვალუტაზე, - ამის შესახებ ეკონომიკისა და მდგრადი განვითარების მინისტრმა,

სხვა სტატიები

შეძლებისდაგვარად ვცდილობთ შევამსუბუქოთ ის ზეწოლა, რომელიც არის ეროვნულ ვალუტაზე, – ამის შესახებ ეკონომიკისა და მდგრადი განვითარების მინისტრმა, ვიცე პრემიერმა, გიორგი კვირიკაშვილმა ლარის კურსთან დაკავშირებით დასმული კითხვის პასუხად განაცხადა.

“მოგეხსენებათ, თუ როგორი სიტუაციაა ძალიან ბევრ ჩვენ მსხვილ სავაჭრო და საინვესტიციო პარტნიორ ქვეყანაში. ნავთობის ფასების ვარდნამ მთელი რიგი პრობლემები გამოიწვია და ეს პრობლემები არა მხოლოდ რუსეთის პრობლემებია. ამ შემთხვევაში მე ვსაუბრობ რეგიონში ძალიან ბევრ ქვეყანაზე. ამიტომ, რა თქმა უნდა, საქართველო ინტეგრირებულია ამ რეგიონში და მასზე ყველა ეს ფაქტორი მოქმედებს”, – აღნიშნა კვირიკაშვილმა. მისივე თქმით, რაც ხელისუფლებაზეა დამოკიდებული, მთავრობა ყველაფერს აკეთებს.

“რაც ჩვენზეა დამოკიდებული, ყველაფერს ვაკეთებთ. მაგალითად, ექსპორტის წახალისების სპეციალური პროგრამა კეთდება და სავარაუდოდ თებერვლის ბოლოს იქნება ეს პროგრამა გაშვებული, რომელიც დანერგავს იმ პრაქტიკას, რომელიც არის ძალიან ბევრ ექსპორტიორ პატარა ქვეყანაში, რაც ეხება ექსპორტის დაკრედიტებას, საექსპორტო გარანტიებს, საექსპორტო სადაზღვევო პროდუქტებს. გარდა ამისა, ვიზების რეგულაციების მაქსიმალურად შემსუბუქება, რომ ჩვენ გავიაროთ ზღვარზე. ერთი მხრივ შევასრულოთ ევროკავშირის მოთხოვნები ვიზა-ლიბერალიზაციასთან მიმართებაში და მეორე მხრივ მაქსიმალურად შევძლოთ, რომ ტურიზმის მიმართულებით გავაკეთოთ წახალისება, რომ გავაიოლოთ ადამიანების შემოსვლა საქართველოში. ესეც ერთ-ერთი ძალიან მნიშვნელოვანი ფაქტორია და ასე შემდეგ”, – განაცხადა კვირიკაშვილმა.

მისივე თქმით, ხელისუფლება ამ რისკების განეიტრალების მექანიზმებზე ძალიან აქტიურად მუშაობს. “შეძლებისდაგვარად ვცდილობთ, რომ შევამსუბუქოთ ის ზეწოლა, რომელიც არის ეროვნულ ვალუტაზე. მთავრობას რაც ბერკეტები გააჩნია ყველა ამოქმედებულია დღეს, დამერწმუნეთ”, – განაცხადა კვირიკაშვილმა.

news
ავტ.: news იანვარი 16, 2015 20:50

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics