გიორგი კანდელაკი: მათი ეს დაპირება, ყველა სხვა დაპირებასთან ერთად, აღმოჩნდა სიცრუე

news
ავტ.: news მაისი 22, 2015 11:03

გიორგი კანდელაკი: მათი ეს დაპირება, ყველა სხვა დაპირებასთან ერთად, აღმოჩნდა სიცრუე

“პოლიტიკური გადაწყვეტილება, რომ ოდესღაც საქართველო მიიღებს უვიზო მიმოსვლას, დიდი ხნის წინ იქნა მიღებული,” – აცხადებს პარლამენტის ფრაქცია ერთიანი ნაციონალური მოძრაობის წევრი. გიორგი კანდელაკის თქმით, მთავრობის დაპირებები სიცრუე აღმოჩნდა.

“ტყუილია იმის თქმა, რომ თითქოს მთავრობა არ პირდებოდა ხალხს, რომ რიგის სამიტზე გაფორმდებოდა ეს ყველაფერი. შეგიძლიათ ამოიღოთ ღარიბაშვილის, წულუკიანის, სხვა მინისტრების გამოსვლები, რომლებიც სწორედ რიგაში პირდებოდნენ ჩვენს მოქალაქეებს გარღვევას ამ მიმართულებით, თუმცა, მათი ეს დაპირება, სამწუხაროდ, ყველა სხვა დაპირებასთან ერთად, აღმოჩნდა სიცრუე,” – განაცხადა კანდელაკმა.

თავისუფალი დემოკრატების განმარტებით, მკაფიოდ დაფიქსირდა, რომ ჯერ კიდევ ბევრი რამ შესასრულებელია, რის გარეშეც საქართველო უვიზო მიმოსვლას ვერ მიიღებს.

“ძალიან ნათლად გვითხრეს, რომ შესასრულებელი გვაქვს კიდევ ბევრი რამ და თუ არ დავაკმაყოფილებთ ამ კრიტერიუმებს არ იქნება უვიზო მიმოსვლა. ეს არის საქართველოს მთავრობის მარცხი და ეს არის მიზეზი იმისა, რომ პოლიტიკური გადაწყვეტილება რიგაში არ იქნება მიღებული,” – განაცხადა მაია ფანჯიკიძემ.

news
ავტ.: news მაისი 22, 2015 11:03

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,206
ვიზიტორი
დღეში
Powered By Google Analytics