გია ვოლსკი: ბოიკოტის აზრს ვერ ვხედავ

news
ავტ.: news აგვისტო 31, 2015 12:31

გია ვოლსკი: ბოიკოტის აზრს ვერ ვხედავ

ბოიკოტის აზრს ვერ ვხედავ იმ პარტიებისგან, რომლებსაც არავითარი პერსპექტივა არ აქვთ არჩევნებში რაიმე წარმატება მოიპოვონ , – ამის შესახებ ჟურნალისტებს მმართველი გუნდის ერთ-ერთმა ლიდერმა გია ვოლსკიმ საპარლამენტო და არასაპარლამენტო ოპოზიციის ნაწილის გადაწყვეტილებაზე კომენტირებისას განუცხადა, რომელიც საგარეჯოსა და მარტვილის რაიონებში დაგეგმილ შუალედურ არჩევნებს ბოიკოტს უცხადებს.
ვოლსკის შეფასებით, ზოგიერთი პარტია “ნაციონალურ მოძრაობის” სატელიტს წარმოადგენს.
“ბოიკოტის აზრს ვერ ვხედავ იმ პარტიებისგან, რომლებსაც არავითარი პერსპექტივა არ აქვთ არჩევნებში რაიმე წარმატება მოიპოვონ. პარტიების რაღაც ჯგუფი “ნაციონალურ მოძრაობაზე” ადრეც იყო აყოლილი და მის სატელიტს წარმოადგენდა. რა თქმა უნდა, ეს მარტო ბოიკოტის თემას არ ემსახურება და გარკვეული დესტაბილიზაციის მიზანს ისახავს, მაგრამ მინდა გითხრათ, რომ მხოლოდ მათი პარტიებით არ მთავრდება ჩვენს ქვეყანაში პარტიული ცხოვრება და არის სხვა პოლიტიკური ძალები, რომლებიც არჩევნებში მონაწილეობას მიიღებენ”, – განაცხადა გია ვოლსკიმ.
რაც შეეხება არასამთავრობო სექტორის ნაწილის უარყოფით შეფასებას საარჩევნო სისტემის რეფორმის გარკვეული პერიოდით გადავადებასთან დაკავშირებით, დეპუტატის თქმით, “არსებობენ სხვა არასამთავრობო ორგანიზაციები, რომლებიც განსხვავებულად ფიქრობენ”.

news
ავტ.: news აგვისტო 31, 2015 12:31

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics