ირაკლი ნადარეიშვილი – ვერსია, რომ ფირცხალავამ სპეცოპერაცია შურისძიების მოტივით მოაწყო, კახა მისირელის ჩვენებიდან განვითარდა

news
ავტ.: news თებერვალი 4, 2015 17:27

ირაკლი ნადარეიშვილი – ვერსია, რომ ფირცხალავამ სპეცოპერაცია შურისძიების მოტივით მოაწყო, კახა მისირელის ჩვენებიდან განვითარდა

პროკურატურის ვერსია, რომ კრიმინალური პოლიციის მაღალჩინოსანმა ირაკლი ფირცხალავამ ხუბულოვზე შურისძიების მოტივით მოაწყო სპეცოპერაცია, სოდ-ის ყოფილი უფროსის, ირაკლი კოდუას ყოფილი მოადგილის, კახა მისირელის ჩვენების საფუძველზე განვითარდა.

როგორც  ვაზაგაშვილისა და ხუბულოვის მკვლელობის საქმის ერთ-ერთი პროკურორი, ირაკლი ნადარეიშვილი აცხადებს, მისირელი ერთ-ერთი მოწმეა, რომელმაც აღნიშნული ჩვენება პროკურატურას მისცა. შესაბამისად, მისირელი სხვა პირებთან ერთად პროკურატურის იმ მოწმეთა ნუსხაშია, რომლებიც აღნიშნული სისხლის სამართლის საქმის არსებითი განხილვის დროს დაიკითხებიან.

ბრალდების მხარის წარმომადგენელს არ დაუკონკრეტებია, კახა მისირელის გარდა, კიდევ ვინ მისცა მსგავსი ჩვენება გამოძიებას.

პროკურატურის მასალების მიხედვით, კრიმინალური პოლიციის მაღალჩინოსნის, ირაკლი ფირცხალავას ძმის ნარკოდანაშაულის შესახებ ინფორმაცია სოდ-ს კორტების სპეცოპერაციის დროს ერთ-ერთმა გარდაცვლილმა ალექსანდრე ხუბულოვმა მიაწოდა, რის საფუძველზეც ირაკლი ფირცხალავას ძმა ლევან ფირცხალავა დააკავეს.
პროკურატურის განცხადებით, სწორედ ამის გამო, ირაკლი ფირცხალავამ იძია შური ხუბულოვზე, რომელიც კორტების სპეცოპერაციის დროს ზურაბ ვაზაგაშვილთან ერთად მოკლეს.

news
ავტ.: news თებერვალი 4, 2015 17:27

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,509
ვიზიტორი
დღეში
Powered By Google Analytics