ქვეყანაში არსებულ მძიმე ეკონომიკურ მდგომარეობაზე ნაციონალურ მოძრაობაში საუბრობენ. ზურაბ მელიქიშვილის განცხადებით, ლარის კურსი საგანგაშო ნიშნულს მიუახლოვდა. პარტიაში მთავრობის უმოქმედობაზე ამახვილებენ ყურადღებას და ეროვნული ვალუტის გადასარჩენად ქმედითი ნაბიჯების გადადგმისკენ მოუწოდებენ.
„არ შეიძლება მხოლოდ ეროვნული ბანკის ბერკეტებისა და სავალუტო რეზერვების იმედად ყოფნა, იქიდან გამომდინარე, რომ ეს ყველაფერი ამოწურვადია. ბოლო 13 თვის განმავლობაში 407 მილიონი დოლარია სარეზერვო ფონდიდან გახარჯული ისე, რომ ეროვნულ ბანკს არ აქვს შესაძლებლობა, რომ უკან ერთი დოლარი მაინც შეისყიდოს,“ – განაცხადა ზურაბ მელიქიშვილმა.