ზუგდიდში კოსტავას ქუჩაზე ავტომობილი სამ მამაკაცს დაეჯახა. ორი მათგანი ადგილზე გარდაიცვალა, მესამე მამაკაცი კი მძიმე მდგომარეობით ზუგდიდის საავადმოფოშია გადაყვანილი, ის ამ დრომდე კრიტიკულ მდგომარეობაშია.
ფოლკსვაგენის მარკის ავტომობილს, რომელიც მამაკაცებს დაეჯახა 18 წლის ახალგაზრდა მართავდა. ადგილზე ამ დროისთვის სამართალდამცავები და ექსპერტ-კრიმინალისტები იმყოფებიან. მძღოლი პოლიციის განყოფილებაშია გადაყვანილი.
როგორც ადგილობრივები აცხადებენ, მამაკაცები იმავე ქუჩაზე მდებარე ავტოსერვისში მუშაობენ. ერთერთ მათგანს კი სამი მცირეწლოვანი შვილი დარჩა.
როგორც „ნიუპოსტს“ შსს-ში განუცხადეს ფაქტზე ძიება 276 -ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.