მიკროავტობუსებისა და ავტობუსების მძღოლებმა ზუგდიდში სამხარეო ადმინისტრაციის შენობის წინ კარვების გაშლა უნდოდათ, თუმცა მათ პოლიციამ ამის საშუალება არ მისცა. აქცია კომპანია”მეტრო პლიუსის” წინააღმდეგ ამ დრომდე გრძელდება.
როგორც ”თაიმერის” კორესპონდენტი ზუგდიდიდან იუწყება, მძღოლებმა შიმშილობა გამოაცხადეს.
შეგახსენებთ, რომ კომპანია”მეტრო პლიუსის” წინააღმდეგ მიკროავტობუსებისა და ავტობუსების მძღოლებმა ზუგდიდში სამხარეო ადმინისტრაციის შენობის წინ მორიგი საპროტესტო აქცია გამართეს. მათი მთავარი მოთხოვნა კომპანიის ზუგდიდის სატრანსპორტო ბაზრიდან გასვლაა.როგორც “თაიმერის” კორესპოდენტი” ადგილიდან იუწყება დასავლეთ საქართველოს ყველა ავტობუსის და მიკროავტობუსის მძღოლები სოლიდარობას უცხადებენ გაფიცულებს და ხვალიდან ყველა მიმართულებით წყვეტენ მუშაობას.
