ზუგდიდის მუნიციპალიტეტის საკრებულოს თავმჯდომარედ მაიზერ ნანავა აირჩიეს.
ზუგდიდის მუნიციპალიტეტის საკრებულოში რიგგარეშე სხდომა გაიმართა. სხდომაზე საკრებულოს თავმჯდომარემ ლაშა გოგიამ უფლებამოსილება მოიხსნა, თუმცა დარჩა რიგით წევრად. საკრებულოს 26-მა წევრმა თავმჯდომარის თანამდებობაზე მაიზერ ნანავას კანდიდატურა წარადგინა, რომელიც ხმათა უმრავლესობით თავმჯდომარედ აირჩიეს.
სხდომას საკრებულოს 44 წევრიდან 30 წევრი ესწრებოდა. პარტია “ერთიანი ნაციონალური მოძრაობის” 14 წევრიდან – მხოლოდ ორი დეპუტატი.
შეგახსენებთ, რომ ზუგდიდის მუნიციპალიტეტის გამგებლობის არჩევნებში, “ქართული ოცნება – დემოკრატიული საქართველოს“-ს ზუგდიდის გამგებლობის კანდიდატმა ლაშა გოგიამ მოიგო. გოგიამ ყველა საარჩევნო უბანში დიდი უპირატესობისთ „ნაციონალური მოძრაობის“ გამგებლობის კანდიდატი ბესიკ გაბუნია დაამარცხა. გოგიამ ხმების 69.63% მიღო, ბესიკ გაბუნიას კი მხარი 30.37%-მა დაუჭირა.
ლაშა გოგია 2012 წელს “ქართული ოცნება-დემოკრატიული საქართველოს” ზუგდიდის რაიონული ორგანიზაციის თავმჯდომარე იყო. 2014 წლიდან ის ზუგდიდის მუნიციპალიტეტის საკრებულოს თავმჯდომარის პოსტს იკავებდა.
ზუგდიდში გამგებლის არჩევნების მეორე ტური გაიმართა, რადგან 8 ოქტომბერს, პირველ ტურში კანდიდატებმა ვერ მიიღეს ხმების 50+1 რაოდენობა.