ეროვნული ვალუტის გაუფასურების ფონზე, ლარი ბაზარზეც გაუფასურდა და აშშ დოლარის ფასმა საშუალოდ, 2.69 ლარამდე აიწია.
11:00 საათის მონაცემებით, „საქართველოს ბანკში“ 1 აშშ დოლარის ყიდვა 2.69 ლარადაა შესაძლებელი, „თიბისი ბანკში“ ასევე – 2.69 ლარად; „ლიბერთი ბანკში“ – 2.68 ლარად; „ვითიბი ბანკში“ – 2.67-ად, ხოლო „პროკრედიტ ბანკში“ 1 აშშ დოლარს მომხმარებელი 2.68 ლარად შეიძენს.
ამასთან, 1 აშშ დოლარს კომერციული ბანკები 2.58-2.62 ლარის ფარგლებში ყიდულობენ.
რაც შეეხება ვალუტის გადამცვლელ პუნქტებს, აქ მომხმარებელი უცხოურ ვალუტას საშუალოდ, 2.62-2.65 ლარის ფარგლებში შეიძენს.
აშშ დოლართან მიმართებაში ლარი თითქმის სამი პუნქტით გაუფასურდა. ეროვნული ბანკის მიერ დღეისთვის დადგენილი ოფიციალური კურსით, 1 აშშ დოლარი 2.6154 ლარი ღირს. 10 დეკემბრის კურსით კი, მისი ფასი 2.5887 ლარს შეადგენდა.