გერმანიის ქალაქ ზაარბრიუკენის კაფეში დღეს შეჭრილი მამაკაცი სპეცდანიშნულების რაზმის წევრებმა დაწესებულების სარდაფში მძინარე აღმოაჩინეს. ამის შესახებ ‘ბილდი“ იუწყება.
არსებული ინფორმაციით, აღმოჩნდა, რომ 43 წლის მამაკაცი სულაც არ ყოფილა შეიარაღებული, თუმცა ის შენობაში შეჭრის დროს სისხლიანი იყო. მას ტანზე მცირე ზომის ჭრილობა ჰქონდა. შენობაზე განხორციელებული შტურმის შემდეგ, აღნიშნული პირი საავადმყოფოში გადაიყვანეს.
პოლიციის ინფორმაციით, მამაკაცი, სავარაუდოდ, პირადი მოტივებით მოქმედებდა. ეჭვობენ, რომ ის არასტაბილურ ფსიქიკურ მდგომარეობაშია.
მანამდე უცხოური მედია პოლიციაზე დაყრდნობით აღნშნავდა, რომ ფაქტს ტერორიზმთან საერთო არაფერი აქვს. მამაკაცს არ ჰყავდა მძევლები და პოლიციასთან კონტაქტზე არ გამოდიოდა.
