ვისკონსინის შტატში დემოკრატების პრაიმერიზე ვერმონტის სენატორმა ბერნი სანდერსმა გაიმარჯვა. CBS News-ის მიხედვით, მან ხმების 53% მიიღო ჰილარი კლინტონის ხმების 46%-ის წინააღმდეგ.
რესპუბლიკელებში კი ტეხასის სენატორმა ტედ კრუზმა დონალდ ტრამპს 53%-ით მოუგო. მილიარდელმა ბიზნესმენმა ხმათა 30% აიღო. მესამე ადგილას ოჰაიოს გუბერნატორი ჯონ კეისიკი 15%-ით გავიდა.
გუშინდელი მონაცემებით, საპრეზიდენტო რბოლის ფავორიტად ისევ ჰილარი კლინტონი რჩება, მას შეუძლია 1738 დელეგატის ხმის იმედი ჰქონდეს,მაშინ, როცა სანდერსს – 1084 ხმის. საპრეზიდენტო კანდიდატად გარანტირებულად წარდგენისათვის აუცილებელია 2383 ხმა.
რესპუბლიკელებიდან 737 ხმით დონალდ ტრამპი ლიდერობს, კრუზს 494 ხმა აქვს, კეისიკს კი 143 – რესპუბლიკელებში კანდიდატად გარანტირებულად წარდგენისათვის აუცილებელია 1237 ხმა.
ივნისში ორივე პარტია ეროვნულ კონვენტს ჩაატარებს, სადაც აშშ-ს საპრეზიდენტო კანდიდატებს აირჩევენ.
საპრეზიდნეტო არჩევნები 8 ნოემბერს გაიმართება.