მთავრობის ახალი შემადგენლობა ცნობილი ორშაბათს გახდება, ამის შესახებ განცხადება, საპარლამენტო უმრავლესობის ერთ-ერთმა ლიდერმა ეკა ბესელიამ გააკეთა. ტელეკომპანია “იბერიის” ეთერში ბესელიამ, მისინტრთა კაბინეტში დაგეგმილ ცვლილებებზე ისაუბრა. გადაცემა “პრიორიტეტებში” ბესელიამ განაცხადა, რომ იგეგმება არა ერთი, არამედ რამდენიმე მინისტრის გათავისუფლება. დეპუტატს მინისტრების ვინაობა არ დაუსახელებია, ასევე უცნობია ვინ იქნებიან ახალი სახეები მინისტრთა კაბინეტში. მისი თქმით, პრემიერ-მინიტრობის კანდიდატი გიორგი კვირიკაშვილი ცვლილებებთან დაკავშირებით კონსულტაციებს ირაკლი ღარიბაშვილთან გაივლის, შემდეგ კი ახალი შემადგენლობა პარლამენტს წარედგინება.