მოტეხილი ხეებისგან პლატოზე სამანქანო გზა ნაწილობრივ გაიწმინდა. რეგიონული განვითარებისა და ინფრასტრუქტურის მინისტრი – ნოდარ ჯავახიშვილი, სახელმწიფო უსაფრთხოებისა და კრიზისების მართვის საბჭოს მდივანი – მინდია ჯანელიძე, სამცხე-ჯავახეთის გუბერნატორი – აკაკი მაჭუტაძე, ბორჯომის მაჟორიტარი დეპუტატი – გედევან ფოფხაძე და ადგილობრივი ხელისუფლების წარმომადგენლები პლატოზე იმყოფებოდნენ და არსებულ სიტუაციას ადგილზე გაეცნენ. ზარალის ოდენობის დათვლა ხვალიდან დაიწყება. მაშველები შემთხვევის ადგილებზე მუშაობას აგრძელებენ.
შეგახსენებთ, პლატოზე ხეების მოტეხვა სტიქიამ გამოიწვია. ძლიერი წვიმა და სეტყვა 20:00 საათზე დაიწყო და 25 წუთის განმავლობაში გაგრძელდა.
