აშშ-ს პრეზიდენტის დონალდ ტრამპის შვილმა დონალდ ტრამპ-უმცროსმა “ტვიტერის” საკუთარ მინი-ბლოგზე ამერიკის ცნობილ მოღვაწეებს, რომლებმაც თქვეს, რომ დონალდ ტრამპის გამარჯვების შემთხვევაში ქვეყანას დატოვებდნენ, დანაპირები შეახსენა. “მე ჯერ კიდევ ველოდები, ადგილობრივი ვარსკვლავები, რომელთაც იგივე პირობა დადეს, როდის შეასრულებენ მას” – დაწერა მან ერთ-ერთი მომხმარებლის კომენტარში, რომელიც იმაზე წერდა, რომ საფრანგეთის გამოჩენილი მოღვაწეები ქვეყნიდან წასვლით იმუქრებიან იმ შემთხვევაში, თუკი საპრეზიდენტო არჩევნებზე მარინ ლე პენი გაიმარჯვებს.
აშშ-ში საპრეზიდენტო მარათონის დროს შერმა, ბარბარა სტრეიზანდმა, რობერტ დე ნირომ და სხვა ცნობილმა პირებმა განაცხადეს, რომ დონალდ ტრამპის გამარჯვების შემთხვევაში ისინი ამერიკას დატოვებდნენ.
