უკრაინის შინაგან საქმეთა მინისტრის პირველი მოადგილე ეკა ზღულაძე თანამდებობას ტოვებს. სააგენტო “უნიანის” ცნობით, ამის შესახებ თავად შინაგან საქმეთა მინისტრმა არსენ ავაკოვმა “ფეისბუქის” საკუთარ გვერდზე დაწერა.
“ეკა პირველი მოადგილის თანამდებობას ტოვებს. მინისტრთა კაბინეტმა გადაწყვეტილება მისი თხოვნით მიიღო. ეკა გააკეთებს განცხადებას, არ არის საჭირო ჭორები”, – წერს ავაკოვი.
ამავე დროს, არსენ ავაკოვის განცხადებით, ეკა ზღულაძემ მიიღო მისი შეთავაზება და მუშაობას შინაგან საქმეთა სამინისტროს რეფორმების საკითხებში მრჩეველთა ჯგუფის ხელმძღვანელად გააგრძელებს.
ეკა ზღულაძე უკრაინის შინაგან საქმეთა მინისტრის პირველ მოადგილედ 2014 წლის დეკემბერში დაინიშნა.
