უკრაინის საგარეო საქმეთა სამინისტრო საქართველოს ყოფილი პრეზიდენტის მიხეილ სააკაშვილის შესაძლო ექსტრადიციის შესახებ მოლაპარაკებებს არ აწარმოებს, – ამის შესახებ საგარეო საქმეთა მინისტრის მოადგილე ვასილი ბოდნარმა განაცხადა. იუწყება „ინტერფაქს-უკრაინა“.
„საგარეო საქმეთა სამინისტრო ნამდვილად არანაირ მოლაპარაკებებს არ აწარმოებს. საქართველო ჩემს კომპეტენციაში შედის, მაგრამ საგარეო საქმეთა სამინისტროების ხაზით არანაირი კონტაქტები არ ყოფილა“, – განაცხადა მან.
ბოდნარის თქმით, საერთოდ ასეთი სახის მოთხოვნები იუსტიციის სამინისტროს ხაზით გენერალურ პროკურატურაში მიდის.
„საგარეო საქმეთა სამინისტრო ამ პროცესში არ არის წარმოდგენილი“, – დასძინა დიპლომატმა.
www.ipn.ge