უკრაინაში ქართველი სამხედრო დაიჭრა. ამის შესახებ ინფორმაცია რუსთავი 2-ს უკრაინაში მებრძოლმა ჯარისკაცმა დავით მაყიშვილმა დაუდასტურა. მისივე ინფორმაციით ზაზა ბიწაძე დონეცკის ოლქის სოფელ ზაიცოვოში ფრონტის წინა ხაზზე დაიჭრა.
რუსთავი 2-ის ინფორმაციით ზაზა ბიწაძის ჯანმრთელობის მდგომარეობა ამ დროისათვის სტაბილურია და ის ქალაქ არტიომოვსკის საველე ჰოსპიტალშია მოთავსებული, საიდანაც უახლოეს საათებში მას ქალაქ ხარკოვის ცენტრალურ კლინიკურ საავადმყოფოში გადაიყვანენ.
