სიღნაღში უბედური შემთხვევის შედეგად 7 წლის ბავშვი გარდაიცვალა. შემთხვევა გვიან ღამით ქვემო ბოდბეში ერთ-ერთ ოჯახში მოხდა, სადაც ბავშვი სამზარეულოში გაზის ანთებას ცდილობდა და დაგროვილმა გაზმა აფეთქება გამოიწვია.
შემთხვევის შედეგად ბავშვი ადგილზევე გარდაიცვალა. აფეთქებას მოჰყვა ნგრევაც.
გარდაცვლილს უკვე ჩაუტარდა ექსპერტიზა გურჯაანის რაიონულ პროზექტურაში. გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
