საქართველოს მთელ ტერიტორიაზე, უახლოესი სამი დღის განმავლობაში, უნალექო ამინდია მოსალოდნელი. გარემოს ეროვნული სააგენტოს ინფორმაციით, დღეს საქართველოს უმეტეს რაიონებში ცვალებადი მიმართულების ქარი იქროლებს, ხოლო 27-28 ნოემბერს, აღმოსავლეთის მიმართულების ქარი – 10-15 მეტრი წამში.
რაც შეეხება ჰაერის ტემპერატურას, დღეს დასავლეთ საქართველოში 13 გრადუსი სითბო დაფიქსირდება, აღმოსავლეთ საქართველოში 14, ხოლო თბილისში 10 გრადუსი სითბოა ნავარაუდევი.
27 ნოემბერს, დასავლეთ საქართველოში ღამით ტემპერატურა 0 გრადუსამდე დაეცემა, დღისით კი, მაქსიმალური ტემპერატურა 17 გრადუსი იქნება. აღმოსავლეთ საქართველოში ღამით -5, დღისით 12, თბილისში კი ღამით -1, დღისით 10 გრადუსი სითბო დაფიქსირდება.
დასავლეთ საქართველოში 28 ნოემბერს ღამით 3, დღისით კი 20 გრადუსი სითბო იქნება. აღმოსავლეთში ღამით -1, დღისით 14, თბილისში ღამით -1, დღისით 13 გრადუსი სითბოა მოსალოდნელი.
გარემოს ეროვნული სააგენტოს ინფორმაციით, მთელი ქვეყნის მასშტაბით, უნალექო ამინდი 30 ნოემბრამდე შენარჩუნდება.
