წუხელ გვიან ღამით, გორში კომბინატის დასახლებაში მოსკოვის ქუჩაზე, ენმ-ს ერთ-ერთი ლიდერის, ალიკა გოგლიძის (კულას) კუთვნილი მერსედესის მარკის ავტომობილი აალდა. შემთხვევა დაახლოებით ღამის სამ საათზე მოხდა. წინასწარი ინფორმაციით ავტომობილს ცეცხლი განზრახ წაუკიდეს. ადგილზე მობილიზებულები იყვნენ, სახანძრო, სამაშველო და პოლიციის თანამშრომლები.
შინაგან საქმეთა სამინისტროს ინფორმაციით, მომხდართან დაკავშირებით გამოძიება 187 მუხლის მეორე ნაწილით მიმდინარეობს. დამწვარი ავტომობილი, ექსპერტიზის მიზნით ამ დროისთვის გორის რაიონულ სამმართველოშია გადაყვანილი. ენმ-ს გორის ოფისში კი რამდენიმე წუთში მომხდართან დაკავშირებით ბრიფინგი დაიწყება.
წყარო: newposts.ge