თბილისში, წერეთლის გამზირზე ავტომობილი ქვეითად მოსიარულეს შეეჯახა. შინაგან საქმეთა სამინისტროს ინფორმაციით, შეჯახების შედეგად, შუახნის მამაკაცი ადგილზე გარდაიცვალა.
უწყების ინფორმაციით, ავტომანქანის მძღოლი შემთხვევის ადგილიდან არ მიმალულა და დანაშაული გახსნილია.
მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
