აშშ-ს პრეზიდენტმა დონალდ ტრამპმა კვებეკში G7 სამიტის დაწყებამდე განაცხადა, რომ მსოფლიოში წამყვანი ქვეყნების ლიდერების შეხვედრაზე აუცილებელია რუსეთიც დაუშვან – “ასოშეითედ პრესის” ინფორმაციას “ბიბისი” ციტირებს. რუსეთი აშშ-ს, კანადის, საფრანგეთის, იტალიის, იაპონიის, გერმანიისა და ბრიტანეთის სამიტში 2014 წლიდან, ყირიმის ანექსიის შემდეგ არ იღებს მონაწილეობას.
რამდენიმე დღის წინ გერმანიის კანცლერმა ანგელა მერკელმა თქვა, რომ ვერ ხედავს იმის შესაძლებლობას, რომ ფორმატ “დიდ რვიანს” დაუბრუნდნენ რუსეთის მონაწილეობით. “ყირიმის ანექსია საერთაშორისო სამართლის აშკარა დარღვევა იყო”, ამიტომ გადაწყვეტილება, უმსხვილესი ინდუსტრიული სახელმწიფოების სიიდან რუსეთის გარიცხვის შესახებ სწორი იყო” – თქვა მერკელმა 6 ივნისს ბერლინში ბუნდესტაგში სიტყვით გამოსვლისას.