აშშ-ს პრეზიდენტმა დონალდ ტრამპმა ქვეყნის მეთაურის პოსტზე ყოფნის 10 თვის განმავლობაში 6-ჯერ მეტი ტყუილი თქვა, ვიდრე მისმა წინამორბედმა ბარაკ ობამამ მთელი თავისი პრეზიდენტობის მანძილზე – “ნიუ იორკ თაიმსი” წერს. გამოცემის ჟურნალისტებმა ორივე პრეზიდენტის მიერ ნათქვამი არასწორი ინფორმაციის კატალოგი შეადგინეს ტრამპის მომხრეთა არგუმენტის გასაქარწყლებლად, რომლებიც ამტკიცებდნენ, რომ არც ობამა იკავებდა თავს ტყუილის თქმისგან.
“ნიუ იორკ თაიმისის” მიერ შედგენილი სტატისტიკის მიხედვით, დონალდ ტრამპმა 10 თვეში 103 სხვადასხვა არასწორი ინფორმაცია გააჟღერა, ობამამ კი 8 წლის მანძილზე მხოლოდ 18. საშუალოდ წლის მანძილზე ეს ასე გამოიყურება: დონალდ ტრამპი – 124 ტყუილი, ბარაკ ობამა – ორი ტყუილი.
