კრემლი არანაირად არ აფასებს დონალდ ტრამპის ექს-მრჩევლის მაიკლ ფლინის შესახებ ინფორმაციას, რომელიც აშშ-ს საპრეზიდენტო არჩევნებზე რუსეთის გავლენებზე აპირებს საუბარს – ვლადიმირ პუტინის პრეს-მდივანმა დიმიტრი პესკოვმა განაცხადა. “არა, არანაირად არ ვაფასებ. ვლადიმირ ვლადიმიროვიჩმა გუშინ უკვე ითხოვა ტუჩებზე წაკითხვა. გვსურს პრეზიდენტის ამ სურვილის შესახებ შეგახსენოთ” – თქვა პესკოვმა, რომელმაც იგულისხმა პუტინის პასუხი შეკითხვაზე, ჩაერია თუ არა რუსეთი ამერიკის არჩევნებში, მან თქვა, რომ პასუხი მის ტუჩებზე წაიკითხონ: No (არა-ინგლისურად).
შეგახსენებთ, რომ აშშ-ს პრეზიდენტის ეროვნული უსაფრთხოების საქმეებში ყოფილი მრჩეველი მაიკლ ფლინი, რომელიც რუსეთთან საიდუმლო მოლაპარაკებების შესახებ სკანდალის შემდეგ სამსახურიდან დაითხოვეს, მზად არის ფიცის ქვეშ თქვას ყველაფერი, რაც მან იცის მოსკოვის მიერ აშშ-ს არჩევნებზე ზეგავლენის შეასხებ. სანაცვლოდ, ფლინი სისხლის სამართლის დევნისგან განთავისუფლებას ითხოვს – “ბიბისი”-მ გაავრცელა.
30 მარტს დილით გავრცელებული ინფორმაციის მიხედვით, რესპუბლიკელი და დემოკრატიული პარტიის ცნობილმა სენატორებმა განაცხადეს, რომ ერთად გამოიძიებენ დონალდ ტრამპის წინასაარჩევნო კამპანიაში რუსეთის როლს. სენატის დაზვერვის კომიტეტში გამოძიების შესახებ პირველი მოსმენები დაიწყო.